محەمەد ئەمین چام (٧٣ ساڵ) لە لیستی کۆمەڵەی مافەکانی مرۆڤ (ئیهەدە)ـیە بۆ زیندانیانی نەخۆش کە ڕەوشیان خراپە. چام پاش ئەوەی جەڵتەی دڵ لێی دا، لە نەخۆشخانەیە و چارەسەر دەکرێت. چام کە لە زیندانی جۆری T ی قوبنی ئێلح ڕاگیراوە لە ١٦ ی نیسان جەڵتەی دڵ لێی دا. پەرلەمانتاری دەم پارتی زەینەب ئۆدونجو، هاوسەرۆکی شارەوانی ئێلح گوڵستان سۆنوک، چالاکوانانی تەژەئا و ئەندامانی ئەنجوومەنی دایکانی ئاشتی و نوێنەرانی دەبەپە سەردانی خێزانی چامیان کرد لە نەخۆشخانەی پەروەردە و لێکۆڵینەوەی ئێلح.

شاندەکە سەردانی خێزانەکەیان کرد و لەبەردەم نەخۆشخانە ڕاگەیاندراویان خوێندەوە. زەینەب ئۆدونجو گوتی: "قبووڵ ناکرێت چارەسەری چام بە کەلەپچەکراوی بەردەوام بێت. پێویستە چام ئازاد بکرێت و چارەسەری شایستەی بۆ بکرێت. پێویستە ئەم ستەمەی سەر زیندانیان کۆتایی بێت".

کچی چام، شیمەل چام باوکی بەبێ هەبوونی هاوەڵێک و بەتەنها لە قاوش دەمێنێتەوە، داوای کرد ستەمی سەر زیندانیان کۆتایی بێت.