لە سەمسور ٢ کەس دەستگیر کران

لە گوندی داندرمازی سەر بە ناوەندی شاری سەمسور ٢ کەس دەستگیر کران.

لە ئەنجامی ئۆپڕاسیۆنێکی هێزەکانی جەندرمەدا بۆ هەڵکوتانە سەر ماڵان، لە گوندی داندرمازی سەر بە ناوەندی شاری سەمسور ماهیر ئەرتورک بەڕێوەبەری پێشوی هەدەپەی شارەکە و کەسێکی تر بە ناوی عەلی سونگول دەستگیر کران.

لە بارەی ئەو دوو کەسەوە کە هۆکاری دەستگیرکردنیان نەزانراوە، بڕیاری ٢٤ کاتژمێر سنووردارکردنی چاوپێکەوتن لە گەڵ پارێزەرەکانیان دراوە.

هەر یەک لە سونگول و ئەرتورک لە بنکەی فەرماندەی جەندرمەی شاری سەمسور دەستبەسەرن.

ز.ش