چەتەکانی داعش هێرشەکانی خۆیان لەعێراق زۆرترکردووە. چەتانەی داعش پیشتریش لە تکریت، دیالە، مووسڵ وکەرکووک چەند هێرشیکیان ئەنجام دابوو. ئەمجارە لە ئەنبار چەکدارانی حەشدی شەعبی و سوپای عێراقیان کردوە ئامانج. لەئەنجامی ئەوهێرشەدا ٩چەکداری حەشدی شەعبی کوژران و چەکدارێکی تریش برینداربوو.

ئەحمەد خەلەف قایمەقامی ناوچەی گەرمێ ڕایگەیاند کە چەکدارانی داعش هێرشیان کردووەتە سەرماڵی فەرماندەی حەشدی شەعبی لەو ناوچەیە و لەئاکامدا شەڕێکی سەخت هاتووەتە ئاراوە.

خەلەف ئەوەی پشتراس کردوە کە لەوهێرشەدا فەرماندە و٨ چەکداری حەشدی سەعبی کوژراون و چەکدارێکی دیکەش برینداربوون. ئەو چەکدارانەی حەشدی شەعبی سەربە هێزی عەشایرن.

ک-ش