ئێوارەی ئەمڕۆ، بە پێشەنگایەتی ڕێکخراوی ژنانی ئازادی کوردستان ـ ڕەژاک و بە ئامادەبوونی ژمارەیەکی بەرچاو لە ژنان و هاوڵاتییان و توێژەکانی بناری قەندیل و دەڤەری ڕاپەڕین، لە گوندی بۆکریسکان، ڕۆژی ٨ـی ئادار پیرۆز کرا.

لە چالاکییەکەدا پانکارت بە نەخشاندنی کۆتای وێنەی ڕێبەر ئاپۆ، ئاڵا بە وێنەی ڕێبەر ئاپۆوە بەرزکرانەوە. وە بە بەردەوامی درووشمی "بژی سەرۆک ئاپۆ" و "ژن، ژیان، ئازادی" گوترانەوە. دواتر ڕیکخراوی ئازادی ژنانی کوردستان، پەیامی مێژووی "ئاشتی و کۆمەڵگەی دیموکراتیک"ی ڕێبەر ئاپۆییان بۆ ژمارەیەکی بەرچاو لە هاوڵاتیان و توێژە جیاوازەکانی بناری قەندیل و دەڤەری ڕاپەڕین پەخش کرد.

لە چالاکییەکەدا سەروین جەلال هاوسەرۆکی شارەوانی بناری قەندیل وتارێکی پێشکەش کرد و ئاماژەی بەوەکرد، تەواوی شەهیدانی ڕێگای ئازادی بەبیر دەهێنینەوە، لەدوای ٢٧ ساڵ لە زینداندا ڕێبەر ئاپۆ بۆ کۆمەڵگەیەکی ئازاد و ئاشتی کۆمەڵگە ڕەنجێکی زۆری داوە، هەروەها بەتایبەت بۆ ژنان ڕەنجێکی زۆری داوە و بووە سەرچاوە بۆ تێکۆشانی ئازادی ژنان.

لە بەردوامییدا وتی: "ۆیە ئەمساڵ بەلای ژنانەوە ٨ـی ئادار مانادارتر و جیاوازترە، بەهۆی پەیامە مێژوویەکەی ڕێبەر ئاپۆەوە، بۆیە پێویستە ژنان ئەو ئەرکەی کە دەکەویتە سەر شانیان جێبەجێی بکەن، هەروەها وەک ژنانی ئازادیخواز خاوەنداری لە پەیامەکە دەکەین"

چالاکییەکەدا بە گێڕانی ئاهەنگ کۆتایی هات.