بەڕێوەبەریی ماڵی گەلی لۆزان مێژوویەکی ١٠٠ ساڵەی هەیە، بەپێی بڕیارێک لە ساڵی ٢٠٢٤دا دراوە، ناوی سێ ژن کە شەهید کروان، پێشەنگایەتی تێکۆشانی ژنانیان دەکرد لە سێ هۆڵی ئەو دامەزراوە مێژووییە دەنرێت.
هۆڵی کۆنفرانسی ماڵی گەلی لۆزان دەکرێت بە ناوی ژینا ئەمینییەوە کە لە ساڵی ٢٠٢٢دا لە لایەن هێزەکانی ڕژێمی ئێرانەوە لە تاران شەهید کرا.
هەروەها ناوی دوو هۆڵەکەی دیکە کران بە ناوی ناوی مافپارێز، سیاسەتمەدار و کۆمەڵناسی بەڕازیلی ماریێل فرانکۆ کە لە ساڵی ٢٠١٨ تیرۆرکرا و مافپارێز، سەندیکاوان و ئەندامی مانگرتنی ژنانی سویسرا لیلیان ڤالسێسکینی لە ساڵی ١٩٩١دا شەهید کرا.
وتاری کردنەوەی هۆڵەکە لەلایەن ئەندامی ئەنجومەنی لۆزان و هاوسەرۆکی ئەنجومەنی پارتی یەکێتی چەپ سێڤگی کۆیونچو پێشکەش کرا. سێڤگی کۆیونجو ئەندامی ئەنجومەنی ژنانی لۆزان لە قسەکانییدا ئاماژەی بە ڕاپەڕینی 'ژن، ژیان، ئازادی' کرد، لە دوای شەهید کردنی ژینا ئەمینییەوە دەستی پێکرد و کاریگەریی لە ئێران و سەرانسەری جیهان دانا.
سێڤگی کۆیونجو چەندجارێک ئاماژەی بەوەدا مێژووی ٤٠ ساڵەی تێکۆشانی ژنانی کورد لەگەڵ بەرخۆدانی ژنان لە ڕۆژئاوا، ڕۆحی بەخشی بە دروشمی "ژن، ژیان، ئازادی".
سێڤگی کۆیونجو لە کۆتایی قسەکانیدا سڵاوی لە تێکۆشانی چالاکوانانی کورد وریشە مورادی و پەخشان عەزیزی کە لەلایەن ڕژێمی ئێرانەوە سزای لەسێدارەدانیان بەسەردا سەپێندراوە و سۆما پور موحەمەدی بە هۆی وتنەوەی وانەی کوردی ١٠ ساڵ سزای زیندانی کردنی بەسەردا سەپێنراوە، کرد و قسەکانی بە گوتنی "ژن، ژیان، ئازادی" کۆتایی پێ هێنا.
