کۆنفرانسی ئازادی جەستەیی ڕێبەر عەبدوڵا ئۆجالان بە دروشمی "بە فەلسەفەی ژن، ژیان، ئازادی، ئازادی جەستەیی ڕێبەر ئاپۆ مسۆگەر دەکەین" لە هۆڵی ئەنجومەنی ڕەقە دەستی پێکرد.

کۆنفرانسەکە لەلایەن کۆنگرەی ستار و کۆمەڵەی ژنانی زەنوبیا ئامادە کرابوو. ئەندامانی هەردوو دامەزراوەکە، ئەنجومەنی ژنانی سوریا، نووسینگەکانی ژنانی حزبەکانی ڕەقە، نوێنەرانی خۆبەڕێوەبەری دیموکراتیکی باکور و ڕۆژهەڵاتی سوریا، بزووتنەوە و ڕێکخستنەکانی ژنانی هەرێمەکە بەشداریان کرد. هەروەها کەسایەتی سەربەخۆ و نووسەران، شاعیر و ژنە پزیشکەکان، بەشێک لە میوانانی دیمەشق، حمس، حەما و لازیقییە بەشداری کۆنفرانسەکەیان کرد. کەسانی دیکەش لە باشووری کوردستان و ڕۆژهەڵاتەوە لە ڕێگەی بەرنامەی زوومەوە، بەشداری دەکەن.

لە کۆنفرانسەکەدا بابەتی سەرەکی وەک "ئەنجامی پیلانگێڕی نێودەوڵەتی و کاریگەرییەکانی لەسەر دۆخی سیاسی"، "تاوانەکانی دژی ڕێبەر عەبدوڵا ئۆجالان بەپێی پێوەرە نێودەوڵەتییەکان" و "هەڵمەتەکان بۆ ئازادی جەستەیی ڕێبەر عەبدوڵا ئۆجالان" تاوتوێ لەسەر دەکرێن.

زلێخا عەبدی هاوسەرۆکی لیژنەی پەروەردە و فێربوونی کانتۆنی ڕەقە لە کۆنفرانسەکەدا قسەی کرد و وتی: "بە پڕۆسەیەکی مێژوویی هەستیاردا تێدەپەڕین، ئێمە وەڵامدەرەوەی بەرخۆدان و بەرگریکردن لە دەستکەوتەکانمانین و ڕاگەیاند. ئەمڕۆ لێرە ئەو پێکهاتانەی ڕووبەڕووی تیرۆری داعش بوونەوە، کۆبوونەتەوە".

زلێخا عەبدی هۆشداریشیدا لەوەی دەوڵەتی تورک لە داعش مەترسیدارترە و لە درێژەی قسەکانیدا وتی: "دەوڵەتی تورکیا تەماعی لە ڕۆژهەڵاتی ناوەڕاست کرد و لەو ناوچانەی داگیری کرد کۆمەڵکوژیی ئەنجامدا، زۆر وڵات دانیان بە کۆمەڵکوژییەکانی عەفرین و سەرێکانی و گیرێ سپی داناوە".

لە درێژەی قسەکانی زلێخا عەبدی وتی؛ "بۆ شکستپێهێنانی پیلانگێڕی نێودەوڵەتی، پێویستە ژنان دەنگی خۆیان یەکبخەن و پێکەوە بۆ ئازادی جەستەیی ڕێبەر عەبدوڵا ئۆجالان تێکۆشان بکەن.

زڵێخا عەبدی هاوسەرۆکی لێژنەی پەروەردە و فێربوونی کانتۆنی ڕەقە، بەڵێنی پەرەدانی بە تێکۆشان و خاوەنداری لە هێڵی شەهیدان دوبارەکردەوە لە پێناو زگارکردنی خاکە داگیرکراوەکان.

کۆنفرانسەکە بە وتاری ئەندامی بزووتنەوەی هیلالی زێڕینی ڕۆشنبیری ژنان و شاعیر مێدیا سلێمان و باس لەسەر پرسە دیاریکراوەکان درێژەی هەیە.