لە ناوچەی سلۆپی شڕناخ بە پێشەنگایەتی تەڤگەری ژنانی ئازاد- تەژەئا بە درووشمی 'لە دژی قڕکردنی ژنان دەوەستینەوە و بەرەو ئازادی هەنگاو دەنێین' لە گۆڕەپانی نەورۆز گردبوونەوەیەکی ئاهەنگ ئامێز ئەنجام درا. ژنانی بۆتانی بە جلوبەرگی ڕەنگاوڕەنگەوە بەشداری گربوونەوەکە بوون و درووشمی "ژن، ژیان، ئازادی"یان گوتەوە. وەک هەمیشە پۆلیس بە پاساوی بێ بنەمای 'قەدەغە' دەستییان بەسەر ئاڵایی ڕەنگاوڕەنگی سەوز، سور و زەد دا گرت. ژنان لە گۆڕەپانەکەدا پانکارت بە نووسینی "ژیان بە هۆشیارییەوە جوانە"، "ژن، ژیان، ئازادی" و "بەرەو ٨ـی ئادار"یان هەڵگرتبوو.

گردبوونەوەکە کە بە گۆڤەند و وتنەوەی درووشم دەستیپێکرد. وێڕای ئامەدەبوونی ژمارەیەکی زۆر لە ژنان، لە ئاهەنگەکەدا پەڕلەمانتارانی ژن، ئەندام و نوێنەرانی پارت و ڕێکخراوە مەدەنییەکان بەشداربوون.

'هیوامان زۆرە'                                      

لە گردبوونەوەکەدا پەڕلەمانتاری شڕناخی دەم پارتی نەورۆز ئوساڵ ئەسڵان قسەیکرد و دوای پیرۆزکردنی ٨ـی ئادار لە ژنان گوتی: "با هەموومان چاومان لە نەخشەڕێگە چارەسەرییەکی بەڕێز ئۆجالان بێت. باوەڕمان بەخۆمان بێت. هیوامان زۆرە."

دواتر هاوسەرۆکی گشتی دەبەپە چیدەم کلچگون ئوچار بە شێوەزاری زازاکی قسەیکرد و ئاماژەی بەوەدا لەمرۆدا ژنان بە درووشمی "ژن، ژیان، ئازادی"یەوە لە هەموو گۆڕەپانەکانی بەرخۆداندان و لە دژی هەموو ستەمەکان وەستانتەوە و وتی: "دەسەڵات بۆئەوەی لە کوردستاندا ژنان لە تێکۆشان درووبخاتەوە بە هەموو شێوەیەک لە ستەم کردندایە و پشتگوێیان دەخات. بەڵام بۆتان ژنانی تێکۆشەری لە بیرنەکردووە و لەبیریشی ناکات. هەریەک لە ژنانی گەنجی ئێرە ئایندەی تێکۆشانن. ناتوانرێت بەر بەم ژنانە بگرن."

خاوەنداریکردن لە پەیامەکەی ڕێبەر ئاپۆ

لە کۆتایی قسەکانییدا ئوچار بانگەوازی لە هەموو ژنان بەگشتی و بەتایبەت لە ژنانی بۆتان کرد خاوەنداری لە بانگەوازی 'ئاشتی و کۆمەڵگەیی دیموکراتیک'ی ڕێبەر ئاپۆ بکەن و جەختی کردەوە لەوەی بانگەوازییەکە بۆ هەموو گەلان کرۆکی ئاشتی و ئارامییە.

لە دوای تەواوبوونی قسەکان، ژنە هونەرمەند خەجێ بە پێشکەشکردنی گۆرانییەکانی جۆشی دا بە ئاهەنگە، ئاهەنگەکە بە گێڕانی گۆڤەند و وتنەوەی درووشمەوە کۆتایی هات.