سەرنوسەری بنیات ئەڤریم کەپەنەک ئەمڕۆ لە میانی هەڵکوتانە سەرماڵەکەیدا لە ئیستەنبوڵ دەستگیرکرا. پۆلیسەکان ویستیان ماڵەکەی بپشکنن، بەڵام بە هۆی ناڕەزایەتی کەپەنەک و هاوڕێکانی، بۆ ئەنجامدانی پشکنینەکە داوای ئامادەبوونی پارێزەر و ئەنجومەنی گەڕەکە کرا. پۆلیسەکان کە بۆ پشکنینی ماڵەکە چاوەڕێی هاتنی پارێزەریان نەکرد، لەگەڵ گەیشتنی ئەنجومەنی گەڕەکەکە دەستیان بە پشکنین کرد. لە پشکنینەکەدا کە نزیکەی کاتژمێرێکی خایاند سەرجەم کەلوپەلە ئەلیکترۆنی و پەیوەندییەکانی کەپەنەک دەستیان بەسەردا گیرا.

ئەڤریم کەپەنەک بە شێووەی کەلەپچەکراو دەستگیرکرا. راگەیەندرا کە دوای پشکنینی تەندروستی ئەڤریم گواستراوەتەوە بۆ بنکەی پۆلیسی تەقسیم ئیستەنبوڵ.

هـ . ب