له‌ قه‌زای رانیه‌ی سه‌ر به‌ پارێزگای سلێمانی به‌ بۆنه‌ی نۆهه‌مین ساڵیادی شه‌هیدبوونی سه‌كینه‌ جانسر (سارا)، یه‌ك له‌ دامه‌زرێنه‌رانی په‌كه‌كه‌، فیدان دۆغان (رۆژبین) نوێنه‌ری كه‌نه‌كه‌ له‌ پاریس و له‌یلا شایله‌مه‌ز (رۆناهی) ئه‌ندامی بزوتنه‌وه‌ی گه‌نجان به‌ پێشه‌نگایه‌تی ره‌ژاك مه‌راسیمێكی یادكردنه‌وه‌ به‌ڕێوه‌چوو.

یادكردنه‌وه‌كه‌ به‌ خوله‌كێك وه‌ستان بۆ رێزگرتن له‌ شه‌هیدانی كوردستان ده‌ستیپێكرد. دوای رێزلێنانه‌كه‌ ئاشتی نوری ئه‌ندامی ره‌ژاك قسه‌ی كرد و وتی: "نۆ ساڵ به‌سه‌ر ئه‌و كۆمه‌ڵكوژیه‌دا تێپه‌ڕ ده‌بێت، تێكۆشانی ئازادی له‌ سه‌ر هێڵی سه‌كینه‌كان به‌ ویست و ئیراده‌یه‌كی به‌هێزه‌وه‌ تادێت به‌رو لوتكه‌ هه‌ڵده‌كشێت. ئێمه‌ به‌ڵێنه‌كه‌مان بۆ هێڵی ئازادی ژن دووباره‌ ده‌كه‌ینه‌وه‌. ئێمه‌ له‌ پێناو بونیاتنانی سیستمێكی دیموكراتیك و كۆتاییهێنان به‌ سیستمی ده‌سه‌ڵاتدار، فاشیت و نۆكه‌ر تێكۆشان ده‌كه‌ین و بۆ هه‌موو شتێك ئاماده‌ین.

له‌دوای وتاره‌كه‌، له‌باره‌ی ژیان و تێكۆشانی سه‌كینه‌ جانسز و هاوڕێكانی به‌ڵگه‌ فیلمێك نمایش كرا.

هـ . ب