لە ڕاگەیاندراوەکەی ڕۆژی شەممە سۆهردا، ڕاگەیاندرا "لە ڕۆژی پێنج شەممەوە ٧٤٥ عەلەوی مەدەنی لە هەرێمە کەنارئاوەکانی سووریا و هەرێمی چیای لازیقیە لە لایەن هێزەکانی ئاسایش و گروپەکانی گرێدراوی کوژراون".

سۆهر ئاماژەی بەوەدا لە هێزە چەکدارەکانی شام و هێزە چەکدارەکانی عەلەوییەکان بە گشتیی ٢٧٣ کەس کوژراون و بەمشێوەیە ئامارەکە بوو بە هەزار و ١٨ کەس.

بە پێی ئەو گرتە دیمەنانەی لە دیجیتاڵ میدیادا بڵاوکراوەتەوە، هێزەکانی سەر بە دەسەڵاتداری شام کە لە گروپە جێماوەکانی ئەل قاعیدە و داعش پێک دێن، کۆمەڵکووژی ئەنجام دەدەن. کوشتنی بە گروپ، ئەشكەنجەدان، تاوان لە دژی مرۆڤایەتی، ڕفاندن و تاڵانکردن ئەنجام دەدەن. گەواهیدەران دەلێن ئەو گروپانەی کۆمەڵکووژی ئەنجام دەدەن، دەوڵەتی تورک پشتگیرییان دەکات.