بەبۆنەی ٨ ی ئادار ڕۆژی جیهانیی ژنانی کرێکارەوە لە ناوچەی نسێبینی مێردین بە پێشەنگایەتی تەژەئا، ژنان گردبوونەوەیان ئەنجامدا. ژنان بە هەڵپەڕکێ ئاهەنگیان سازکرد و درووشمی "بژی سەرۆک ئاپۆ" و "ژن ژیان ئازادی"یان بەرزکردەوە. وە پانکارتی وەک "ژن شۆڕشە، ژن تێکۆشانە" و "بانگەوازی بەرخۆدان هەیە" و "ژن ژیان ئازادی" هێڵی ژنان، هێڵی ئازادیی ژیانە" هەڵگیرا.

هاوسەرۆکی شارەوانی مێردین دەڤریم دەمیر قسەی کرد و جەختی کردەوە ژنان درێژە بە تێکۆشان دەدەن.

چالاکوانی تەژەئا عەدالەت چیمەن تیشکی خستەسەر تێکۆشان سەدان ساڵەی ژنان و جەختی کردەوە ژنان دژی زیهنیەتی دەوڵەتی پیاوسالار تێدەکۆشن.

هاوسەرۆکی گشتی دەبەپە چیدەم کیلچگون ئوچار بانگەوازەکەی ڕێبەر ئاپۆی بیرهێنایەوە، گوتی: "لە کوردستان و تورکیا باسی دوو شت دەکرێت، تێکۆشانی ژنان و پەیامەکەی ڕێبەری گەلی کورد عەبدوڵا ئۆجالان. کۆمەڵگەی دیموکراتیک بۆ هەموو گەلانی تورکیا، پێویستییە. تێکۆشانی ژنان کلیلی کۆمەڵگەی دیموکراتیکە".

پاشان چالاکوانانی تەژەئا، گوڵسەر یەڵدرم و خەدیجە ئۆنجو پەیامی ڕێبەر ئاپۆیان بۆ ژنان بە کوردی و تورکی خوێندەوە. جەماوەر بە جۆشەوە پێشوازییان لە پەیامەکە کرد و هەمووان درووشمی "بژی سەرۆک ئاپۆ" و "ژن ژیان ئازادی"یان بەرزکردەوە.

چالاکییەکە بە گۆرانی و مۆسیقا بەردەوام بوو.