بە پێشەنگایەتی تەڤگەری ژنانی ئازاد (تەژەئا) لە گۆڕەپانی ستاسیۆن بە بۆنی ٨ـی ئادار ڕۆژی جیهانی ژنانی کرێکار گردبوونەوەیەک ڕێکخرا. گۆڕەپانەکە بە ائاڵای مۆر، سەوز، سور، زەرد و سپی ڕازێندرابووەوە. ژنانی بە جلوبەرگی کولتووری ژنانەوە پانکاری "ژن، ژیان، ئازادی"، "بە ئیرادەی پۆڵاینەوە سڵاو دەدەین بە بانگەوازی ئاشتی و کۆمەڵگەی دیموکراتیک" و "لەبەرانبەر قڕکردنی ژناندا سەردەکەوین، ئازادی بونیاد دەنێن"یان بەرزکردەوە و بەبەردەوامی درووشمی "ژن، ژیان، ئازاد" و "ژن ژیان ئازاد، ئازادی ڕێبەرێتی" و "بژی سەرۆک ئاپۆ"ییان دەگوتەوە.

لە گردبوونەوەکەدا چەندان دەزگا و ڕێکخراوی مەدەنی، ئەندام و نوێنەرانی پارت و لایەنە سیاسییەکان، پەڕلەمانتاران بەشداربوون. گردوونەوەکە بە خولەکێک ڕێزلێنان دەستپێکرد. سەرەتا ئەسرا چیچەک ئەندامی لە کۆمیتەی ئامادەکار ٨ـی ئاداری پێرۆز کرد.

دواتر هاوسەرۆکە شارەوانییەکانی ژنان، چالاکوانانی تەژەئا و سیاستەمەدارن هاتنە سەر شانۆی گردبوونەوەکە و سڵاوییان لە کەسانی بەشداربووی گردبوونەوەکە کرد.

لە سەرەتادا هاوسەرۆکی شارەوانی گەورە شاری وان سەرا بوجاک قسەیکرد و دوای سڵاوکردن وتی: "بۆ ئەوەی بانگەوازییەکی ڕێبەر ئاپۆ وەرچەرخێنینە سەر ئاشتی لێرەین. پێکەوە بۆ مافی ئاشتییمان دەنگمان هەڵبڕین و دەستبەرداری مافەکانی خۆمان نابین."

دواتر لەسەر ناوی کۆمەڵەی دایکانی ئاشتی کوودرەت ئەیلماز قسەی کرد و ئەمەی گوت: "ئەم ڕۆژە لە هەموو دایکانی جەرگ سوتاو، رۆڵە زیندانکراو پیرۆز دەکەین. هیواداریین ببێتە ڕۆژی ئاشتی و وشکبوونەوەی فرمێسکی چاوی دایکان."

لە بەردەوامی خوێندنەوەی پەیامەکاندا وتەبێژی ئەنجومەنی ژنانی دەم پارتی خالیدە تورکئۆغلو قسەی کرد و وتی: "بەڕێز ئۆجالان جارێکی دیکە بە بانگەوازییەکەی هیوای ئاشتی لەم خاکەدا ژیاندەوە. نیشانی هەموو جیهانی دا لە دژی شەڕ تەنها ئاشتیی موکینی ژیانی ئاشتەوایی و دیموکراسییە."

خالیدە جەختیکردەوە بە هەموو شێوەیەک پشتگیری لە بانگەوازییەکەی ڕێبەر ئاپۆ کرد و پەیامی بەرفراوانکردنی تێکۆشانی ژنانی بۆ بە ئامانج گەیاندنی پەیامی مێژووی دووپاتکردەوە.

لە کۆتاییدا ئایلا ئاکات قسەیکرد و ئاماژەی بەوەدا پەیامەکەی ڕێبەر ئاپۆ پرۆسەکەی دەربازی قۆناغێکی نوێ کرد و دەستنیشانیکرد وابەستەی کۆمەڵگەی دیموکراتیک و پرۆسەی ئاشتیین.