لە ئێلح ٨ـی ئادار ڕۆژی جیهانی ژنانی کرێکار بە بەشداربوونی هەزارن کەس لە پارکی ژنان پیرۆز کرا. لە بەرەبەیانەوە ژنان بە ئاڵاکانی تەژەئا، هەڵهەڵە و درووشمەکانی "ژن، ژیان، ئازادی" گەیشتە گۆڕەپانەکە. لە گۆڕەپانەکەدا پانکارتی "لەبەرانبەر قڕکردنی ژنان سەرمان هەڵدەبڕین و ئازادی ژنان دادەمەزرێنین" و " بەرخۆدان بەردەوامە، سڵاو لە ئازادی" و "ژن، ژیان، ئازادی" بەرزکرانەوە.

لە ئاهەنگەکەدا هاوشانی بەشداربوونی بەرفراوانی ژنان، بەشێکی زۆر لە پەڕلەمانتاران، ئەندام و نوێنەرانی پارت و ڕێکخراوە مەدەنییەکانی ژنان بەشداربوون.

لە ئاهەنگەکەدا لەسەر ناوی کۆمیتەی ئامادەکار، هاوسەرۆکی ڕێکخستنی ئێلحی دەم پارتی سۆنگول کۆرکماز قسەیکرد و دوای سڵاوکردن لە بە شداربووان دەستنیشانی کرد ژنان پێشەنگایەتی ئەم پرۆسەیە دەکەن.

هەر لە خوێندنەوەی پەیامی ژناندا چەندین ژنی دیکە قسەیکرد و بەڵێنی بەردەوام بوون لەسەر تێکۆشانی ئازادی ژنان دووپات کرایەوە و پشتگیری ژنان لە بانگەوازە میژووی و پەیامەکانی ڕێبەر ئاپۆ دووپات کرایەوە. پێکڕا خواستی ژنان بۆ ئازادی جەستەیی ڕێبەر ئاپۆ دەربڕا.

خوێندنەوەی پەیامەکان بە بەرزکردنەوەی درووشمەکانی "بژی سەرۆک ئاپۆ"، "بی سەرۆک ژیان نابێ" و "ژن، ژیان، ئازادی" و چەپڵەڕێزانەوە پێشوازییان لێکرا.

گردبوونەوەکە بە گۆرانییەکانی ژنە هونەرمەند خەجێ کۆتایی هات.