بەبۆنەی ٨ی ئادار ڕۆژی جیهانی ژنانی کرێکار، ژنان لە شەقامی هونەری دێرسیم کۆبوونەوە. بە پێشەنگایەتی پلاتفۆرمی ژنانی دێرسیم لە شەقامی هونەری تاوەکو گۆڕەپانی سەید ڕەزای دێرسیم ڕێپێوانیان کرد. ژنان بە پانکارتی "لە دژی شەڕ، قەیوم، توندوتیژی و بێ باوەڕی لە گۆڕەپانین" ڕێپێوانکەران پەیامی ئەوەیاندا کە تێکۆشان گەش دەکەن.

لەو بەشەدا بەبێپچڕان دروشمی "ژن، ژیان، ئازادی"، "گوڵستان دوک لە کوێیە"، "لە دێرسیم قەیومان ناوێت" و "قەیوم بڕۆ، دێرسیم هی ئێمەیە" بەرزکرایەوە.

سەرپیل ئاگرین لەوێ کۆنگرەیەکی ڕۆژنامەوانی ئەنجام دا و ئاماژەی بەوەکرد بە میراتی تێکۆشانی پێشوو، بەرەو داهاتوو دەڕۆین، سەرپیل لە بەرانبەر قەیوم ناڕەزایەتی نیشاندا و کۆمەڵکوژییەکانی سووریای بیرهێنایەوە کە لە بەرانبەر عەلەوییەکان ئەنجام دەدرێت.

سەرپیل ئاگرین پەیامەکەی ڕێبەر ئاپۆی بیرهێنایەوە و گوتی ژنان لایەنگری ئاشتیین.

هاوسەرۆکی شارەوانی دێرسیم بیرسەن ئۆرهان کە قەیوم لە شوێنی ئەو سەپێنراوە و گوتی: "بناغەی بونیاتنانی ئاشتیی ژنانن. بە پێداگرییەوە دەڵێین ئاشتیی".

پەرلەمانتاری دێرسیم ئایتەن کوردۆ بانگەوازەکەی ڕێبەر ئاپۆی بیرهێنایەوە و گوتی، ژنان کۆمەڵگەی دیموکراتیک بونیات دەنێن.