بە ماوەیەکی کورد بەر لە هەڵبژاردن لە ئامەد، مێردین، چەولیگ، سێرت، وان، شڕنەخ، ئێلیح، دیلۆک، رحا، بورسا، ئیستەنبوڵ، ئیزمیر، مێرسین، موش، بێدلیس، جۆلەمێرگ، عوسمانیە، سێواس، مەلەتی، سەمسور و ئەنقەرە هەڵکوترایە سەر دەیان ماڵ و شوێن کار.

لە چوارجێوەی لێپرسینەوەکاندا سەرنوسەری ئاژانسی مێزۆپۆتامیا عەبدوڵرەحمان گۆک، پەیامنێرانی ئاژانسی مێزۆپۆتامیا ئەحمەد کانباڵ و مەحمود شاه ئوروچ، بەڕێوەبەری نوسینی رۆژنامەی یەنی یاشام عوسمان ئاکن، خاوەن ئیمتیازی رۆژنامەی خۆیبوون کادری ئەسەن، پەیامنێری ژن نیوز بێریتان جانئۆزەر، رۆژنامەوان محەمەد یاڵجن، میکائیل باروت، ساڵح کەلەش، رەمزی ئاککایا و عارف ئاککایا دەستگیرکران.

رۆژنامەوانەکان بە بانگەشەی 'ئەندامبوون لە رێکخراو' تۆمەتبار کران. راگەیەندرا کە رۆژنامەوانان براونەتە ئاسایشی شاری ئامەد.

هـ . ب