بەپێی راپۆرتەکان، هێزە ئەمنییەکانی رژێمی ئێران لە شاری سنەی ڕۆژهەڵاتی کوردستان هەڵیانکوتاوەتە سەر ماڵی دوو چالاکوانی مەدەنیی کورد بە ناوەکانی کەژاڵ نەسری و فەرهەنگ عەیوەزی. هێزەکانی ڕژێم ماڵەکەیان گەڕاون و دەستیان بەسەر چەندین کەلوپەلی تایبەتی هەردوو چالاکوانەکەدا گرتووە. پاشان ئەو دوو چالاکوانە دەستگیرکراون و بردونیان بۆ ئیدارەی ئیتیڵاعاتی شارەکە.

هێزەکانی رژێمی ئێران نزیکەی مانگێکە دەستیان بە شەپۆلێکی نوێی دەستگیرکردن کردووە و بە بەردەوامی و بە چڕی هاوڵاتیانی کورد و چالاکوانانی ڕۆژهەڵاتی کوردستان دەستگیر دەکەن. لەو ماوەیەدا بەلانیکەمەوە ٤٢ کەس لە بانە، سەقز، مەریوان و سنە دەستگیرکراون. لەو دەستگیرکراوانە تەنها ٣ کەس بە ناوەکانی زاگرۆس رەشیدی، عەبدولڕەحمان ئەفشار و عەبدولڕەحمانی ئاشتاک بە دانانی کەفالەتی پارە ئازاد کراون.

ژ.ت