ئێوارەی دوێنێ ئاگری نەورۆز لەلایەن خەڵکی ئێزدیەوە لە زۆربەی گوند و ناوچەکانی شەنگال کرایەوە. یەکێک لە ناوەندەکانی ئاهەنگگێڕان بۆ پیرۆزکردنی نەورۆز لە دۆڵی کەرس بەڕێوەچوو. خەڵکی خانەسۆر و سنون و دگورێ لە دۆڵی کەرس کۆبوونەوە و ئاگری نەورۆزیان کردەوە.

خەڵک بەدەم گۆرانیی شۆڕشگێڕانەوە گۆڤەند و شاییان گێڕا و جەژنی نەورۆزیان پیرۆز کرد.

شەنگالییەکان پەیامی بەرخۆدانیان بڵاوکردەوە و ڕایانگەیاند، جەژنی نەورۆز بۆ ئێمە جەژنی بەرخۆدانە.

ژنێک بە ناوی نەفیە مێشۆ سەرەتا جەژنی نەورۆزی لە هەموو گەلانی ئازادیخواز پیرۆز کرد و وتی؛ "ئێمە وەک گەلی ئێزدی ئاگر بۆ خۆمان بە پیرۆز دەزانین، دەبێت لە کاتی جەژندا ئاگر دابگیرسێنرێت. ئێمە ئەم ڕۆژە و هەڵکردنی ئاگر بە سەرکەوتن دەزانین".

ژ.ت