بە لانیکەمەوە لە گارە ٩ سەربازی تورک کوژراون
سەرچاوەکانی گەریلا رایانگەیاند، لە گارە لە شەڕدا بەلانیکەمەوە ٩ سەربازی سوپای تورک کوژراون.
بەپێی زانیارییەکانی سەرچاوەکانی گەریلا، لە هێرشی داگیرکەریی دەوڵەتی تورک بۆ سەر گارە بەلانیکەمەوە ٩ سەربازی سوپای تورک کوژراون.
سەرچاوەکانی گەریلا ئەوەشیان راگەیاندووە، ژمارەی سەربازە کوژراو و بریندارەکانی سوپای تورک لە گارە بە بەردەوامی روو لە هەڵکشانە، چونکە گورزی گەریلا بۆ سەر ئەو هێزە داگیرکەرە بەردەوامە.
سەرچاوەکانی دەوڵەتی تورکی داگیرکەر تاوەکو ئێستا هەواڵی کوژرانی ئەفسەرێکی باڵای کۆماندۆی سوپای تورکیان بە ناوی بوراک جۆشکون و ئەفسەری پێشکەوتو هارون تورهان و برینداربوونی ٤ سەرباز لە شەڕی گارەدا بڵاوکردوەتەوە.
ژ.ت
