شاندی کەنەکە بە سەرۆکایەتیی زەینەب موراد هاوسەرۆکی کەنەکە لە چوارچێوەی چاوپێکەوتنەکان بۆ دژایەتیکردنی هێرشە داگیرکەرییەکانی دەوڵەتی تورک لە سلێمانی لەگەڵ بزووتنەوەى گۆڕان کۆبوویەوە.
شاندی کەنەکە بە سەرۆکایەتیی زەینەب موراد هاوسەرۆکی کۆنگرەى نەتەوەیی کوردستان (کەنەکە) لە سلێمانی سەردانی مەکۆی سەرەکیی بزووتنەوەى گۆڕانی کرد. شاندەکە لەلایەن رێکخەری گشتیی بزووتنەوەى گۆڕان عومەری سەید عەلی و بەڕێوەبەرانی تری ئەو بزووتنەوەیە پێشوازییان لێکرا.
لە چاوپێکەوتنەکەدا لەسەر بابەتی یەکێتیی نەتەوەیی و هێرش و داگیرکەرییەکانی دەوڵەتى تورک گفتوگۆ کرا.
بزووتنەوەى گۆڕان لە کۆبوونەوەکەدا رایگەیاند، لە دژی داگیرکەریی دەوڵەتی تورک پشتیوانییان لە هەوڵەکانی کەنەکە کرد.
ماوەی چەند رۆژە ئەو شاندەی کەنەکە بۆ یەکێتیی نەتەوەیی و لە دژی داگیرکەرییەکانی دەوڵەتى تورک لە هەرێمی کوردستان زنجیرە چاوپێکەتنێکیان ئەنجامداوە.
ژ.ت
