لە ٩ی تشرینی یەکەمی ٢٠٢٠ەوە کە رێککەوتنی هەولێر و بەغدا لە سەر شەنگال ئیمزاکرا، گوێ بە ئیرادەی خەڵکی شەنگال نەدرا، خەڵکی شەنگال دەستیان بە چالاکی ناڕەزایی کرد. خەڵکی شەنگال کە رێککەوتنەکە وەک لە ناوبردنی بەهاو و دەسکەوتەکانی شەنگال بەناودەکەن، ٧٢ رۆژە لەبەردەم ئاسایشی ئێزیدخان، چادران داناوە و خاوەنداری لە ئاسایشی دەکەن. ئەم چالاکیەی بەردەم ناوەندی ئاسایشی ئێزیدخان وەک چادری بەرخۆدان ناوی لێدەکرێت.

چالاکیەکە بە دروشمی 'ئێمە هەموومان ئاسایشین' دەستیپێکرد و رۆژانە بە بەشداریکردن خەڵکی گوند و شاروچکەکانی شەنگال بەردەوامە.

ڕۆژانە خەڵکی شەنگال پۆل پۆل سەردانی چالاکییەکە دەکەن و پشتیوانی لە چالاکوانان دەکەن، وێڕای بەردەوامی چالاکییەکە و پێداگری خەڵک شەنگال لە سەر داواکارییەکانیان، بەڵام تا ئێستا لەلایەن حکومەتی بەغداوە هیچ وەڵامێکی ئێزدییەکان نەدراوەتەوە. خەلکی شەنگال پێداگرن کە هاتکوو داواکارییەکانیان جێبەجێ نەکرێت درێژە بە چالاکییەکانیان بدەن.

ک-ش