چەکدارانی پەدەکە کە دوێنێ بە ٢٠٠ ئۆتۆمبێلی زرێپۆشەوە روویانکردبووە سیدەکان سەرلەبەیانی ئەمڕۆ هێرشیان کردە سەر سەنگەرەکانی گەریلا. لە ئەنجامی بەرپەرچدانەوەی گەریلاکان شەڕ هاتە ئاراوە و ئاڵۆزیەکە تائێستاش بەردەوامە.
ئێوارەی دوێنێ چەکدارانی پەدەکە بە ٢٠٠ ئۆتۆمبێل و کەلوپەلی سەربازییەوە کە زرێپۆش و تانکیشیان تێدابوو، گواسترانەوە بۆ ناوچەی سیدەکانی سەر بە هەرێمی برادۆست.
سەرچاوەکانی گەریلا رایانگەیاند کە سەرلەبەیانی ئەمڕۆ کاتژمێر ٠٤:٣٠ بەشێک لەو چەکدارانەی پەدەکە لە گەورووی زینێ لە گۆڕەپانی گۆشین هێرشیان کردوەتەسەر گەریلاکانی ئازادیی کوردسان و لە ئەنجام بەرپەرچدانەوەیان لەلایەن گەریلاوە، شەڕ هاتووەتە ئاراوە.
ئەو سەرچاوانە راشیانگەیاند، کە تائێستا ئاڵۆزی و گرژییەکان بەردەوامن.
هـ . ب
