سوپای داگیرکەری تورک هێرشی کردە سەر هێزەکانی گەریلا کە بەهۆی بومەلەرزەکەوە بریاری راوەستاندنی شەڕێان داوە. لە هێرشی داگیرکەراندا لە ٩ی شوباتدا کە بە چەکی قورس ئەنجامدرا، گەریلایەن بەناوی مەزلۆم شەهید بوو.
ناوەندی راگەیاندن و چاپەمەنی هەپەگە لەم بارەیەوە وتی، " بۆ ئەوەی گەلانی کوردستان و تورکیا برینەکانیان سارێژ بکەن کە بەهۆی بومەلەرزەوە ئازاری زۆریان پێگەیشتووە، تەڤگەرەکەمان شەڕی راگرت و کەوتە دۆخی پاراستنی رەوا، بەڵام سوپای داگیرکەری تورک بە بۆمبی قەدەغەکراو و تانک و چەکی قورس هێرش دەکات سەر سەنگەرەکانی بەرخۆدانمانمان. سوپای داگیرکەری تورک رۆژی ٩ی شوبات بە چەکی قورس هێرشی کردە سەر سەنگەرەکانی بەرخۆدان لە نزیک گوندی سیدای سەربە ناحیەی شێلادزێی ئامێدی و لە ئەنجامدا هاوڕێمان مەزلۆم شەهید بوو. ناسنامەی هاوڕێ شەهیدەکەمان مەزلۆم دواتر بۆ گەل و رای گشتی ئاشکرا دەکرێت. هێزەکانمان لەدژی هێرشی داگیرکەری تورک نەچاربوون خۆیان بپارێزن، داگیرکەرێک سزادرا و گورز لە هەلیکۆپتەرێکی جەنگی وەشێنرا."
زانیاری فراوان لەبارەی هێرشی سوپای داگیرکەری تورک:
" لە چوارچێوەی هەنگاوی شۆڕشگێری بازەکانی زاگرۆس لە هەرێمی زاپ؛
رۆژی ١٠ی شوبات کاتژمێر ٠٨:٠٠ داگیرەکران بە چەکی قورس سەنگەرەکانی بەرخۆدانیان لە نزیک هەرێمی چەمچۆی سەر بە ناحیەی شێلادزێی ئامێدی بۆردومان کرد. هێزەکانمان لە دژی داگیرکەران خۆیان پاراست و لە ئەنجامدا داگیرکەرێک سزادرا.
رۆژی ١٠ی شوبات کاتژمێر ٢٠:٠٠ هێزەکانمان لەدژی هەلیکۆپتەرێکی جەنگی کە سەنگەرەکانی بەرخۆدانی لە نزیک هەرێمی چەمچۆی شێلادزێی ئامیدی بۆردومان دەکرد، خۆی پاراست و گورزیان لە هەلیکۆپتەرەکە وەشاند.
هێرشی سوپای داگیرکەری تورک بە بۆمبی قەدەغەکرا و چەکی کیمیایی؛
٩ی شوبات سەنگەرەکانی بەرخۆدان لە دەوروبەری گوندی سیدای سەر بە ناحیەی شێلادزێی ئامێدی جارێکی دیکە بۆردومانکران.
هێرشی سوپای داگیرکەری تورک؛
١٠ی شوبات گۆڕەپانی بەرخۆدانی گردی جودی ٣ جار بە فڕۆکەی جەنگی بۆردومان کرا.
٩ و ١٠ی شوبات سەنگەرەکانی بەرخۆدانی گەریلا لە نزیک هەرێمی چەمچۆ و گوندی سیدای سەر بە ناوچەی شیلادزێی ئامیدی بە تانک، چەکی قورس بە دەیان جار تۆپبارانکران."
ف.ق
