گەریلا تی ڤی ڤیدیۆی فڕۆکەیەکی بێفڕۆکەوانی بە ناونیشانی "هێزەکانمان تەکنیکی دوژمنیان تێکشکاند" بڵاوکردەوە، کە لەلایەن گەریلاکانی ئازادیی کوردستانەوە خراوەتە خونارەوە.

لە ڤیدیۆکەدا، دوو گەریلا لە بەردەم فڕۆکە بێفڕۆکەوانەکەدا ڕاوەستاون و دەڵێن: "هی دەوڵەتی تورکی داگیرکەرە".

ئەو گەریلایە رایگەیاند، دەوڵەتی تورک پشتی بە فڕۆکەی چاودێری بەستووە و وتی: "ئێمە پێشتر چەندین جار رامانگەیاندبوو، کە تەکنەلۆژیای دەوڵەتی تورکی داگیرکەر لە دژی گەریلا ناکاریگەرە".

ئەو گەریلایە ڕاشیگەیاند، دەوڵەتی تورک لەم ساڵانەی دواییدا دەیان فڕۆکەی بێفڕۆکەوانی لە ناوچەکانی گەریلا بەکارهێناوە و وتی: "هیچ تەکنیک و تەکنۆلۆژیایەک ناتوانێت رێگری و ئاستەنگی بۆ گەریلا دروست بکات، دەمانەوێت جارێکی تر ئاماژە بەوە بکەین، ئەگەر فڕۆکەی چاودێریی دەوڵەتی تورک هەبێت، ئێمە دوکتۆرین و بیرۆکەی تایبەتی شەڕمان هەیە. هیچ شتێک ناتوانێت لەبەردەم گەریلاکاندا ببێتە رێگر".

لە ڤیدیۆکەدا ئەوەش نیشان دەدرێت، گەریلایەک پارچەکانی فڕۆکە بێفڕۆکەوانەکە لە یەکتر جیادەکاتەوە و ئەوە روون دەکاتەوە، کە هەر بەشێکی فڕۆکە بێفڕۆانکە چۆن و بۆ چی کار دەکات.

ژ.ت