گەریلا تیڤی ڤیدیۆی چالاکیەکی نوێی هێزەکانی گەریلای بڵاوکردەوە
گەریلا تیڤی ڤیدیۆی چالاکییەکی هێزەکانی گەریلای لە شاخی هەکاری بڵاو کردەوە، کە ٤ داگیرکەری تیادا کوژرا.
لە ڤیدیۆکەدا دەبینرێت، کە گەریلاکان هێرش دەکەنە سەر خاڵێکی داگیرکەران لەسەر شاخی هەکاری. دوای لێدانی گورز لە ئامانجەکەیان دروشمی "بژی سەرۆک ئاپۆ" بەرزدەبێتەوە.
ناوەندی راگەیاندن و چاپەمەنیی هەپەگە پێشتر لەبارەی ئەو چالاکییەوە ئەم زانیاریانەی بڵاوکردبوویەوە:
"ڕۆژی ٢١ی ئەیلول لە مەیدانی بەرخۆدانی شاخی هەکاری، تیمە گەڕۆکەکانمان گروپێک داگیرکەریان لە دەورووبەری سەنگەرەکانی جەنگ دا خستبووە ژێر چاودێری و کۆنترۆڵی خۆیان. لە کاتژمێر ٠٨:٣٠ دا و کاتێک ٤ داگیرکەر پێکەوە کۆببوونەوە، بە چەکی قورس لێیان درا. لە ئەنجامی ئەو چالاکییەدا ٤ داگیرکەر سزادران".
ژ.ت
