چیای گارە، کە دەوڵەتی تورکی داگیرکەر لە ١٠ی شوباتی ٢٠٢١دا بە دەیان فڕۆکەى جەنگی هێرشی کردە سەری، بەڵام گورزێکی گەورەی خوارد و تێکشکا، گەریلاکانی ئازادیی کوردستان تیادا ئاگری نەورۆزیان کردەوە.

گەریلاکان لەسەر چیای گارە ئاگرێکی زۆر گەورەیان کردەوە و نەورۆزیان پیرۆز کرد. ئاگرەکە بە رادەیەک بەرز و گەورە بوو، کە لە زۆرێک لە ناوچەکان و گوندەکانی دەورووبەرەوە دەبینرا.

هاوکات گەریلاکان بە فیشەکی هەوایی سڵاویان لە گەلی باشووری کوردستان کرد و نەورۆزیان لێ پیرۆز کردن.

ئاگری نەورۆز لەسەر چیای گارە تاوەکو بەیانیی ئەمڕۆ گەشاوە و بڵێسەدار بوو و گەریلاکانی لە دەوریدا گۆڤەند و شاییان دەگێڕا.

ژ.ت