ناوەندی راگەیاندن و چاپەمەنی هەپەگە سەبارەت بە چالاکیەکانی گەریلا و هێرشە داگیرکەرییەکانی دەوڵەتی تورک راگەیەندراوێکی بڵاوکردەوە.

راگەیەندراوەکە بەم جۆرەیە:

"هەرێمی خواکورک؛

١٤ی تەمووز کاتژمێر ٢١:٠٠ هێزەکانمان بەرامبەر بە هەلیکۆپتەرێکی سکۆرسکی داگیرکەران دەستوەردانیان کرد کە بەنیازبوو لە شاخی شەکیف سەربازەکانی دابەزێنێت. دوای دەستوەردانەکەی هێزەکانمان هەلیکۆپتەرەکە ناچاربوو لە گۆڕەپانەکە دووربکەوێتەوە.

١٧ی تەمووز کاتژمێر ١٠:٤٠ داگیرکەران لە شاخی شەکیف بە چەکی قورس کرانە ئامانج.

هەرێمی شەهید دەلیلی رۆژئاوای زاپ؛

١٥ی تەمووز کاتژمێر ٠:٣٠ کاروانێکی سوپای تورکی داگیرکەر کە کەلوپەلی سەربازی و داگیرکەرانی دەگواستەوە بۆ گۆڕەپانی بەرخودانی سەرگەلێ لە دوو قۆڵەوە بە شێوەیەکی کاریگەر کرایە ئامانج. لەم چالاکیەدا ٢ ئۆتۆمبێلی زرێپۆش لە جۆری کیرپی کرانە ئامانج و دوو بارهەڵگریش لەناوبران. ژمارەی ئەو داگیرکەرانەی لە ناو ئۆتۆمبێلە کیرپییەکان سزادراون و برینداربوون روون نەبووەتەوە. داگیرکەران دوای ئەو چالاکیە بە کرێن و بارهەڵگر پاشماوە ئۆتۆمبێلە تێکشکاوەکانیان لە شوێنی چالاکیەکە دوورخستەوە.

١٧ی تەمووز کاتژمێر ١٦:٤٥ ئەو داگیرکەرانەی دەیانویست لە گۆڕەپانی بەرخودانی شاخی ئێف ئێم پێشڕەوی بکەن، بە تاکتیکی سابۆتاژ لێیاندرا و جموجۆڵی داگیرکەران وەستێندرا.

١٧ی تەمووز کاتژمێر  ١٨:٠٠ داگرکەران لە گۆڕەپانی بەرخودانی شاخی بەهار بە چەکی نیوئۆتۆماتیک کرانە ئامانج و مۆڵگەکانیان گورزی لێدرا.

هێرشەکانی سوپای تورکی داگیرکەر بە تەقەمەنی قەدەغەکراو:

١٧ی تەمووز تونێلەکانی ئێمە لە گۆڕەپانی بەرخودانی شاخی جودی سێ جار بە تەقەمەنی قەدەغە بۆردومان کران.

١٧ی تەمووز تونێلەکانمان لە گۆڕەپانی بەرخودانی شاخی ئێف ئێم ٨ جار بە تەقەمەنی قەدەغە بۆردومان کران.

هێرشەکانی سوپای تورکی داگیرکەر؛

١٧ی تەمووز گۆڕەپانەکانی شەهید شەریف و کۆلیتی خواکورک ٣ جار، گۆڕەپانی دەشتی کافیای هەرێمی گارە جارێک، گۆڕەپانەکانی بەرخودانی شاخی بەهار و شاخی ئامێدی لە هەرێمی شەهید دەلیلی رۆژئاوای زاپ دوو جار، بە گشتی ٦ جار؛ بە فڕۆکەی شەڕ بۆردومان کراون.

١٨ی تەمووز گۆڕەپانی بەرخودانی شاخی بەهاری هەرێمی شەهید دەلیلی رۆژئاوای زاپ بە هەلیکۆپتەری هێرشبەر بۆردومان کرا. دوای بۆردومانەکە ئاگر لەو گۆڕەپانە کەوتەوە."

هـ. ب