هەپەگە یادی دوو گەریلای شەهیدی بەرزڕاگرت
هەپەگە بە ڕێزدارییەوە یادی دوو گەریلای کردەوە کە لە هەرێمی خواکوڕک شەهیدبوون و وتی: "هاوڕێیانمان ئاڤینار و ڕووکەن بە هاوڕێییەتی درووست و بەشداربوونی فیداییانەوە بوون بە پارێزەری ژیانی پارتەکەمان."
ڕاگەیاندنی ناوی شەهید
ڕاگەیاندراوەکەی ناوەندی ڕاگەیاندن و چاپەمەنی هەپەگە بەم شێوەیە:
"جەنگاوەرانی قارەمانی تێکۆشانی ئازادی هاوڕێیانمان ئاڤینار و ڕووکەن لە ٦ی نیسانی ٢٠١٨دا لە ئەنجامی هێرشێکی سوپای داگیرکەری تورکدا لە هەرێمی خواکوڕک شەهیدبوون. ڕۆڵە بەشکۆکانی گەلەکەمان و هاوڕێیانمان ئاڤینار و ڕووکەن بە شەهیدبوونیان میراتێکی تێکۆشانی لە بیرنەکراوەیان بۆ بەجێهێشتین.
هاوڕێیانمان ئاڤینار و ڕووکەن بۆ ئازادی گەلانی بندەست و گەلەکەمان بەشداری ناو ڕیزەکانی گەریلا بوون، بە ئایدۆلۆژییای ئاپۆییەوە گۆڕانکاری بەرچاوییان لە خۆیاندا درووستکرد و بەرەو سەرکەوتن هەنگاوییان نا. هاوڕێیانمان توڕەیی میژووییان لە دژی سیاسەتەکانی قڕکردن و تواندنەوە هەبوو کە سەدەیەکە لە کوردستاندا بەڕێوەدەبرێت، جگە لە ژیانی شۆڕشگێڕی هیچ ژیانێکی دیکەیان قبوڵنەکرد و گیانیان فیدای گەلەکەمان کرد. هاوڕێیانمان ئاڤینار و ڕووکەن لە کاتێکدا کە هێرشەکانی دوژمن لە هەرێمەکانی پاراستنی مەدیادا زیاتر ببوون، لە پێناو ئامانجی شەهیداندا بە بێ دوودڵی لە ڕێزەکانی پێشەوەدا شەڕیان کرد و گەشتن بە کاروانی شەهیدان. هاوڕێیانمان ئاڤینار و ڕووکەن بوون بە میلیتانی ئاپۆیی و لە هەر بارودۆخێکی سەختیشدا بووبێت، بە هاوڕێییەتی درووست و بەشداربوونی فیداییانەوە بوون بە پارێزەری ژیانی پارتەکەمان.
بەڵێن دەدەین تێکۆشانی هاوڕێیانمان ئاڤینار و ڕووکەن بکەین بە نموونەیەک بۆ خۆمان و یادکردنەوەیان بە زیندووی بهێڵینەوە، بەم هەستەمانەوە سەرەخۆشی خۆمان لە بنەماڵەی هێژایی هاوڕێیانمان و هەموو گەلی وڵاتپارێزی کوردستانمان دەکەین.
زانیارییەکان لەسەر ناسنامەی هاوڕێیانمانی شەهید بەم شێوەیە:
ناسناو: ئاڤینار مەریوان
ناوی پاشناو: ڕۆزان ڤیلدان کزماز
شوێنی لە دایکبوون: ئامەد
ناوی دایک و باوک: زۆزان- جومعە
کات و شوێنی شەهیدبوون: ٦ی نیسانی ٢٠١٨/ خواکوڕک
****
ناسناو: ڕووکەن سپێرتی
ناوی پاشناو: فاتمە کۆیونجو
شوێنی لە دایکبوون: شڕناخ
ناوی دایک و باوک: غەزال- مەحمود
کات و شوێنی شەهیدبوون: ٦ی نیسانی ٢٠١٨/ خواکوڕک."
***
***
