ناوەندی ڕاگەیاندن و چاپەمەنی هەپەگە، پەیوەست بە شەهیدبوونی ٢ گەریلا، ڕاگەیاندراوێکی بڵاوکردۆتەوە، ڕاگەیاندراوەکە بەم جۆرەیە:

"لە ٣ ی حوزەیرانی ساڵی ٢٠٢١ ، دوژمن هێرشی کردە سەر گۆڕەپانی جیلۆی بچوک، هاوڕێیانمان ئەندۆک و دەستان شەهیدبوون.

هاوڕێیانمان ئەندۆک و دەستان لە دژی هێرشەکانی داگیرکاری لە ساڵی ٢٠٢١ لە هەرێمەکانی زاپ گیانبازانە بەرخۆدانیان کرد و گورزی گەورەیان لە دوژمن وەشاند، وەک جەنگاوەری پێشەنگ لە هەڵمەتی شۆڕشگێڕی بازی زاگرۆسدا، جێگەی خۆیان لە مێژووی تێکۆشانماندا دەگرن. ڕۆڵەی عەگید و باشوری کوردستان، جەنگاوەری گیانبازی هەڵەبجەی شەهید، هاوڕێمان ئەندۆک، هەروەها ڕۆڵەی قارەمانی گەلی وڵاتپارێزمان لە نسێبین، هاوڕێمان دەستان بە بوێرییان ترسیان خستە دڵی دوژمن و هەڵوێستێکیان پیشاندا کە دەبێتە نموونە بۆ هەموو گەنجانی کورد. هاوڕێ ئەندۆک و دەستانی بوێر و ئازادیخواز و وڵاتپارێز، کە ڕۆڵەی نموونەیی و دڵسۆزی گەلەکەمانن، هەردەم وەک قارەمانی گەل و پێشەنگی گەنجان یاد دەکرێنەوە.

سەرەخۆشی دەکەین لە ماڵباتی هێژای هاوڕێیانمان ئەندۆک و داستان و هەموو گەلی وڵاتپارێزمان لە کوردستان، دووبارە بەڵێن دەدەین، بە یادکردنەوەی شەهیدەکانمان، تێکۆشانمان زیندوو بهێڵێنەوە.

ناسنامەی هاوڕێ شەهیدەکانمان بەم جۆرەیە:

ناسناو: ئەندۆک ئاخین

ناو و پاشناو: وەرزێر یاسین

شوێنی لەدایکبوون: هەڵەبجە

ناوی دایک - باوک: زوهرە- یاسین

کات و شوێنی شەهیدبوون: ٣ ی حوزەیرانی ٢٠٢١/ زاپ

ناسناو: دەستان دێرسیم

ناو و پاشناو: محەمەد سەعید ئاجات

شوێنی لەدایکبوون: مێردین

ناوی دایک - باوک: کەوسەر- محەمەد نوری

کات و شوێنی شەهیدبوون: ٣ ی حوزەیرانی ٢٠٢١/ زاپ"