هەپەگە ناسنامەی سێ شەهیدی زاپی ئاشکرا کرد
هەپەگە ناسنامەی سێ گەریلای ڕاگەیاند، کە لە بەرخۆدان دژی داگیرکەرییەکانی دەوڵەتی تورک لە زاپ شەهیدبوون.
هەپەگە ناسنامەی سێ گەریلای ڕاگەیاند، کە لە بەرخۆدان دژی داگیرکەرییەکانی دەوڵەتی تورک لە زاپ شەهیدبوون.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، ناسنامەی سێ گەریلای شەهیدی ڕاگەیاند کە ٣١ی مانگی گوڵانی ئەمساڵ، لە هەرێمی زاپ شەهیدبوون.
لە ڕاگەیەندراوکەدا هاتووە: ڕۆژانی ٢٩ بۆ ٣١ی مانگی گوڵان، لە مەیدانی جیلۆی بچووک لە هەرێمی زاپ، لەنێوان هێزەکانمان و سوپای داگیرکەری تورک شەڕێکی قورس ڕوویدا، لەم شەڕەدا گەریلاکانمان بە شێوەیەکی فیداییانە بەرخۆدانیان کرد و گورزی قورسیان لە داگیرکەران دا، دوای ئەوە دوژمن بە ناچار پاشەکشێی کرد و مەیدانەکەی بۆردوومانکرد، لەم شەڕ و بۆردوومانەدا هەڤاڵانمان مەلسا، ڕۆستەم و چیاگەڕ بە ئیرادەیەکی بەهێز شەڕیان کرد و شەهیدبوون.
دوای باسێک لەسەر ژیان و تێکۆشانی ئەو شەهیدانە هاتووە: هەڤاڵانمان مەلسا، ڕۆستەم و چیاگەڕ، لەدژی دەوڵەتی داگیرکەر و قڕکەری تورک بەرخۆدانێکی بەشکۆی مێژووییان نیشاندا و بە تایبەتمەندیی جەنگاوەری پێشەنگ و دڵسۆز بوونە قارەمانی داستانی زاپ کە لەبیر ناکرێن.
ناسنامەی ئەو شەهیدانەش بەمشێوەیە ڕاگەیەندراوە:
نازناو: چیاگەڕ ئامەد
ناو و پاشناو: محەمەد قادر
شوێنی لەدایکبوون: کۆبانێ
ناوی دایک و باوک: سیلاڤ- سالح
شوێن و کاتی شەهیدبوون: ٣١ی گوڵانی ٢٠٢١- زاپ
*
نازناو: ڕۆستەم گارزان
ناو و پاشناو: ئیسماعیل شیشمەک
شوێنی لەدایکبوون: بەدلیس
ناوی دایک و باوک: حەزین- محەمەد
شوێن و کاتی شەهیدبوون: ٣١ی گوڵانی ٢٠٢١- زاپ
*
نازناو: مەلسا دێرک
ناو و پاشناو: مەدیا عەلی
شوێنی لەدایکبوون: دێرک
ناوی دایک و باوک: شەریفە- یوسف
شوێن و کاتی شەهیدبوون: ٣١ی گوڵانی ٢٠٢١- زاپ
مەلیسا دێرک
رۆستەم گارزان
لە کۆتایی راگەیەنراوەکەی هەپەگەدا هاتووە، " سەرەتا لە بنەماڵەی بەڕێزی هەڤاڵانمان، سەرەخۆشی خۆمان ئاراستەی هەموو گەلی وڵاتپارێزی کوردستان دەکەین، بەڵێنمان دووبارە دەکەینەوە کە ئاڵای شۆڕشێک کە ئەو هەڤاڵانە ڕادەستی ئێمەیان کردووە، تا سەرکەوتن بشەکێنینەوە."
ف.ق