هەپەگە ئاماری مانگی ئەیلولی ئاشکرا کرد: ٢٨ داگیرکەر سزادران کە یەکێکیان پلەداری باڵابوو
بە گوێرەی ئاماری شەڕی مانگی ئەیلول کە هەپەگە ئاشکرای کردووە، ٢٨ داگیرکەر کە یەکێکیان پلەدارێکی باڵابووە سزادراون.
راگەیەندراوەکەی ناوەندی راگەیاندن و چاپەمەنی هەپەگە لەسەر بابەتەکە بەم جۆرەیە:
"هاورێیانمان سارا تۆڵهەڵدان گۆیی-دلارا ئورپەر و روکەن زەلال – ئەمەل فەرەمەز حسێن کە ٢٦ی ئەیلولی ٢٠٢٢ لە مەزیتلی مێرسین چالاکی گیانبازییان کرد و پێشەنگانی گیانبازی ئاپۆیی هاوڕێ رۆژهات زیلان- ئۆزکان شاهین و ئەرداڵ شاهین –حەسەن ئۆغوز کە ١ی تشرینی یەکەمی ٢٠٢٣ لە ئەنقەرەی پایتەختی تورکیا چالاکیی مێژووییان کرد، لە دووەم ساڵیادیاندا بە رێز، خۆشەویستی و پێزانینەوە بە بیریان دەهێنینەوە. پێشەنگە گیانبازەکانمان بە شێوەیەکی شارەزایانە و سەرکەوتووانە چالاکی گیانبازییان ئەنجامدا و لە گرنگترین قۆناغدا سەردەمێکی نوێیان خستەڕێ. لە رێگەی بەرزکردنەوەی گیانبازی ئاپۆییدا ئاستی بەشداربوونیان لە تێکۆشان بەرزترکردەوە، پێودانگی تێکۆشان و ژیانی راست لە سەر هێڵی ئاپۆیی سەرلەنوێ دیاریکرایەوە. فیداییانمان مۆرکی خۆیان لە رابردوو دا، ئەو سەردەمەیان بەڕێوەبرد و ئایندەی ئێمەیان دیاریکرد. بەڵێن دووبارە دەکەینەوە کە رێبازی چالاکی و ژیانی ئاپۆیی فیداییەکانمان هەموو کات بگرینەبەر و بەردەوام خاوەنداری لێبکەین.
گەریلاکانی ئازادیی کوردستان کە رێبوارانی هێڵی گیانبازین، لە ماوەی مانگی ئەیلولدا لە دژی هێرشەکانی سوپای تورکی داگیرکەر و دەوڵەتی تورکی کۆلۆنیالیستی قڕکەر بە گیانی فیدایی ئاپۆیی خۆڕاگرییان کرد. لە باکوری کوردستان لە مێردینەوە تا بۆتان، لە ئامەدەوە تا دێرسیم و گارزان سوپای داگیرکەر ئۆپراسیۆن و بۆردومانی لەرادەبەدەری ئەنجامدا. لە شەڕی دژ بە سوپای تورکی داگیرکەردا لە ئەیالەتی مێردین هاوڕێیانمان زەردەشت سوروچ-ئادەم ئۆزکان و رێباز باگۆک-سەلمان داگدەلەن، لە ئەیالەتی ئامەد هاوڕێیانمان هەبون پیرۆ- زراڤ تاش و بۆتان عوسیان – فەهمی باشکورت بە قارەمانی شەڕیان کرد و شەهیدبوون. لە مانگی ئەیلولدا کە بۆردومان و هێرشەکانی سوپای تورکی داگیرکەر بە تەکنەلۆژیای شەڕ زیادیان کرد. هەرێمەکانی پاراستنی مەدیا ٥١ جار بە تەقەمەنی قەدەغەکراو، ٨ جاریش بە درۆنی بۆمبرێژکراو، ١٦٩ جاریش بە هەلیکۆپتەری هێرشبەر و ٣٠٣ جاریش بە فرۆکەی شەڕ بۆردومانکران.
گەریلاکانی ئازادیی کوردستان لە دژی ئەو هێرشە داگیرکەرییانە بە گیانی فیدایی ئاپۆیی و تاکتیکی گەریلای پڕۆفیشناڵ بەرپەرچیان دانەوە. لەماوەی مانگی ئەیلولدا گەریلا پێرفۆرمانسی چالاکییان نیشاندا. لە ئەنجامی ئەو چالاکییانەدا ئەفسەرێک بە پلەی سەرداری پیادە بە ناوی عوسمان ئایان و ٢٧ داگیرکەری دیکە بەسزاگەیەندران و ١١ داگیرکەریش برینداربوون.
ئاماری مانگی ئەیلول بەم جۆرەیە:
هێرشەکانی سوپای تورکی داگیرکەر
هێرشەکان بە فڕۆکەی شەڕ: ٣٠٣
هێرشەکان بە هەلیکۆپتەری هێرشبەر: ١٦٩
هێرشەکان بە تەقەمەنی قەدەغەکراو: ٥١
هێرشەکان بە درۆنی بۆمبرێژکراو: ٨
ئەو هاوڕێیانەمان کە شەهیدبوون
ژمارەی ئەو هاوڕێیانەمان کە شەهیدبوون: ٤
چالاکییەکانی گەریلا
چالاکییە ئاسمانییەکانی گەریلا: ١
چالاکی زەمینی گەریلا: ١١١
کۆی چالاکییەکان: ١١٢
کوژراوانی دوژمن
ژمارەی ئەو سەربازە داگیرکەرانەی سزادراون: ٢٧
ژمارەی ئەو ئەفسەرە داگیرکەرانەی سزادراون: ١
ژمارەی داگیرکەرە بریندارەکان: ١١
ئەو ئامێر وکەرستانەی لەناوبران
سیستمی رادار: ٢
جبەخانە: ١
بۆمبهاوێژی زنجیردار: ١
درۆن: ٥
کامێرای چاودێری حەراری: ٤
مۆڵگە: ٣
سیستمی سۆلار: ١
ئەو کەرستە و ئامێرانەی گورزیان لێدرا
هەلیکۆپتەری هێرشبەر: ٢
هەلیکۆپتەری سکۆرسکی: ١
مۆڵگە:٣
حەفارە: ١
ئەو کەرستە و ئامێرانەی دەستیان بەسەردا گیرا
درۆنی بۆمبرێژکراو: ١".
