ڕۆژی ٢٣ی ئاب لە هێرشێکدا لە سەیدسادق سەر بە شاری سلێمانی لەڕێگەی فرۆکەی بێ‌فڕۆکەوانەوە ئۆتۆمبێلی ڕۆژنامەنووسان کرایە ئامانج، ڕۆژنامەنووسان گوڵستان تارا و هێرۆ بەهادین شەهید بوون.

ئەمڕۆ بە مەبەستی یادکردنەوەی شەهیدی ڕۆژنامەنووس هێرۆ بەهادین کۆمەڵێک هاوڕێ و هاوخەباتانی لەسەر گۆڕەکەی کۆبوونەوە.

لە یادکردنەوەکەدا لەسەر ناوی کۆمپانیای چەتر، هاوژین شوانە قسەی کرد و دوای بەخێرهاتنی ئامادەبووان گوتی: "وەک هاوڕێییانی گوڵستان تارا و هێرۆ بەهادین بەڵێنمان دووپات دەکەینەوە لە تێکۆشانمان بۆ ئازادی کۆمەڵگە و ئازادی ژن، بۆ ئەم مەبەستەش لەسەر ڕێگەی ئەو شەهیدانە درێژە بە خەباتمان دەدەین."

لەسەر ناوی کۆمیتەی چاند و هونەری باشووری کورستان، کارا محەمەد لەگەڵ شەرمەزارکردنی هێرشەکان ڕایگەیاند ئەم هێرشانە دەرئەنجامی ڕێککەوتنەکانی نێوان ئەنقەرە و بەغدایە.

یادکردنەوەکە بە دروشمی "شەهید نامرێ"، "ژن ژیان ئازادی" کۆتایی هات.