هێزەکانی پاراستنی ئاسمانی هەپەگە لە سیانێ داگیرکەرانیان کردە ئامانج
هەپەگە ڕایگەیاند کە هێزەکانی پاراستنی ئاسمانی شەهید دەلال ئامەد لە هەرێمی سیانێ لە دژی سەربازانی سوپای تورک ٢ چالاکیی سەرکەوتوویان ئەنجامدا.
ناوەندی ڕاگەیاندن و چاپەمەنی هەپەگە دەربارەی ئەم چالاکییە ئاسمانییەی هێزەکانی ڕاگەیەنروێکی بڵاوکردەوە:
" هێزەکانی پاراستنی ئاسمانی شەهید دەلال ئامەد، لە ڕۆژی ١٢ی شوبات لە کاتژمێر ١٤:٣٠ خولەک بە فڕۆکەی دڕۆن سەربازانی سوپای تورکیان لە هەرێمی سیانێ کردە ئامانج. ڕۆژی ١٣ی شوبات لە کاتژمێر ١٩:٤٥ لە هەرێمی سیانێ جارێکی تر چالاکییەکی سەرکەوتوویان ئەنجامدا. ژمارەی ئەو سەربازانەی کە لە ئەنجامی ئەو دوو چالاکییەدا کوژراون و بریندار بوون نەزانراوە. بەڵام دەرکەوت کە سوپای تورک کوژراوو بریندارەکانی خۆی بە هەلیکۆپتەر لە ناوچەکە گواستەوە."
ک- ش
