جەنگاوەرانی محەمەد خەیری دورموش سەر بە بزوتنەوەی شۆڕشگێڕی یەکگرتووی گەلان  (ھەبەدەھە) لە ڕاگەیەندراوێکدا بڵاویانکردەوە ، شەوی ١٤ی ئەیلولی ٢٠٢٣، لە ناوچەی بەرواری سەر بە سێرت لە دژی ئۆتۆمبێلی کەسێک بەناوی 'سەیهان تامور'، کە لە بەردەم خانەی مامۆستایان ڕاگیرابوو، بە کۆکتێل مۆلۆتۆف چالاکییان ئەنجامدا و ئۆتۆمبێلەکە بە تەواوی سووتا و بەشێوەیەک چیتر بەکارناھێنرێت.

لە بەشێکی دیکەی ڕاگەیەندراوەکەدا ھاتووە، "ئەو داردەستانەی ماوەیەکی زۆرە دژی گەلەکەمان و هێزەکانی ئازادی هاوکاری دەوڵەتی فاشیستی- داگیرکەر دەکەن، ھەموو کات دەبنە ئامانجمان. ئەو هێزانەی کە لە ڕێگەی سیخوڕیەوە خیانەت لە گەلەکەمان دەکەن و بەشداری تۆڕی خیانەتەکانی پەدەکە دەبن، دەبێت دەستبەجێ دەست لەو خیانەتە ھەڵبگرن، بەپێچەوانەوە وەک داگیرکەران تێکدەشکێنرێن".

ژ.ن