جەنگاوەرانی ئازادی کوردستان (ماک) ڕایگەیاند، لە ٣٠ی ئەیلول لە ناوچەی ئۆفیسی ئامەد هێرشیان کردووەتە سەر فرۆشیارێکی ماددەی هۆشبەر بە ناوی م.ک و سزایان داوە.

لە ڕاگەیەندراوەکەدا هاتووە، "ئەم کەسە لە ناوچەکەدا مادەی هۆشبەری دەفرۆشت و بەشێک بوو لە تۆڕی لەشفرۆشی، ژنان و گەنجانی لە بەها کۆمەڵایەتییەکانیان دوور دەخستەوە و بەرەو کاری بێ ئەخلاقی هانیانی دەدا و پاشان ناچاری دەکردن خزمەت بە سیاسەتەکانی شەڕی تایبەت بکەن.

ماک ڕایگەیاندووە کە (م.ک.) لە دوا کردەوەیدا ژنێکی کردبووە ئامانج و وەک ئامرازی کاری بێ ئەخلاقی بەکاری دەهێنا، لە بۆسەیەکدا دوای دەستبەسەرکردن و لێکۆڵینەوە سزا درا.

لە بەیاننامەکەدا هاتووە، بانگەوازی ئێمە بۆ هەموو گەلەکەمان ئەوەیە کە گەلەکەمان پێویستە ئاگاداری منداڵ و بوارەکانی ژیانیان بن و دژی شەڕی تایبەت ببنەوە، نەتەنها جەنگاوەرانی ئازادی، بەڵکوو پێویستە هەموو گەلەکەمان دژی ئەم ئاژاوەگێڕانە بوەستنەوە و بە تێگەیشتن و هەستی کۆمەڵایەتیەوە تێکۆشان بکەن."

لە هەمان کاتدا، ماک ڕایگەیاندووە: "وا دەچینە ناو ٢٦ـەمین ساڵوەگەڕی پیلانگێڕی دژی ڕێبەر ئاپۆوە. بەوبۆنەوە داوا لە جەنگاوەرانمان و گەلەکەمان دەکەین، بەشداری هەڵمەتی 'ئازادی بۆ ڕێبەر ئاپۆ' بن بە تایبەتی لە پێناو ژیانی ئەخلاقی و کۆمەڵایەتی خۆیاندا بەرپرسیاریەتی هەڵبگرن. ئێمە بەڵێن دەدەین ئەو کەسانەی بە کردەوەکانیان بەها ئەخلاقیەکانی کۆمەڵگاکەمان دەکەنە ئامانج لێپرسینەوەیان لێدەکەین و بەسزای خۆیان دەگەیەنین."