لە شارەکانی هەرێمی سەرحەد ئاگری نەورۆز کرایەوە، ئاگری نەورۆزی ئەمڕۆ لە ناوچەی گیادینی ئاگری، ناوچەی کۆپی موش، ناوچەی شەمزینانی جولەمێرگ کرایەوە.

ئاگری/گیادین

جەماوەر لە شەقامی ئینۆنو تا گۆڕەپانی نەورۆز ڕێپێوانیان کرد. پەرلەمانتاران و چەندین کەسێتی سیاسی و ئەندامی ڕێکخراوەکان و سەدان کەس بەشداربوون.

ئەندامی دەم پارتی ئۆزنور بارتن گوتی: "مێژووی نەورۆز هێندەی مێژووی مرۆڤایەتی گرنگە. مێژووی ٤ هەزار ساڵەیە. نەورۆز بۆ ئێمە، بەرخۆدان و ئاشتی و چالاکی دیموکراتیکە".

ئۆزنور تیشکی خستەسەر بانگەوازە مێژووییەکەی ڕێبەر ئاپۆ، گوتی: "ئەم بانگەوازە بۆ پێکەوەژیان و ئازادی گەلان کرا. هەموومان بەرپرسیارین. ئەم بەرپرسیارێتییە مێژووییە لەئەستۆی ئێمەشە".

پاشان ئاگری نەورۆز کرایەوە، جەماوەر لەدەوری ئاگری نەورۆز کۆبوونەوە و بە گۆرانی هونەرمەندان کۆتایی هات.

موش/کۆپ

لە گۆڕەپانی تێرمیناڵ لە کۆپ ئاهەنگی نەورۆز بەڕێوەچوو، گەلی کۆپ لە سەرلەبەیانییەوە چوونە گۆڕەپانەکە. زۆربەیان گەنجان و ژنان بوون. بۆ ماوەیەکی زۆر هەڵپەڕین. درووشمی "بژی سەرۆک ئاپۆ" و "ژن ژیان ئازادی" و "کوردستان دەبێتە گۆڕستانی فاشیزم" بەرزکرایەوە.

پەرلەمانتار سومەیە بۆز گوتی: "٢١ ی ئادار دەگەینە ئاشتی و ئازادی. ئێمە شوێنکەوتەی ئەو کەسانەیەن بۆ نەورۆز ئاگریان لە جەستەیان بەردا".

پەرلەمانتار کاموران تانهان ڕایگەیان ئەمساڵ دەبێتە ساڵی ئازادیی گەلی کورد، تیشکی خستەسەر پەیامەکەی ڕێبەر ئاپۆ، گوتی: "پێویستە خاوەنداری لەم پەیامە بکەین و لە هەموو گۆڕەپانێک زیندوو ڕایبگرین. کاتی ئازادی و ئاشتی و یەکێتییە".

پاشان ئاگری نەورۆز کرایەوە و ئاهەنگە بە گرێدانی هەڵپەڕکێ کۆتایی هات.