کۆمیتەی گەلان و ئایینەکانی کەجەکە لە پەیامێکدا بە بۆنەی جەژنی قوربان داوای لە هەموو کەس کردووە کە وەک هەموو جەژنەکان سەردانی قۆڕستانی شەهیدان، خۆڕاگرانی زیندان بکەن و لەگەڵ بنەماڵەکانی ئەوان یەکبگرن.

راگەیەندراوەکەی کۆمیتەی گەلان و ئایینەکانی کەجەکە بەم جۆرەیە:

"ئێمە وەک بزوتنەوە جەژنی قوربان لە گەلانی موسڵمان پیرۆز دەکەین و هیوادارین کە ئەم جەژنە ببێتە مایەی ئاشتی، ئارامی و دادپەروەری بۆ گەلانی رۆژهەڵاتی ناوەڕاست و هەموو جیهانی ئیسلامی. هیواخوازین کە ئەمە ببێتە هۆی بەهێزکردنی دۆستایەتی، برایەتی، یەکگرتن و هاوبەشی لە نێوان گەلان و گوڕدان بە تێکۆشانی دیموکراسی و ئازادی.

جەژن ئەو رۆژەیە کە ناکۆکی و دڵئێشاوی نامێنێت، ئاشتی دێتەئاراوە، یەکگرتن و پاڵپشتی بەهێز بەرەوپێش دەچێت. لەهەمان کاتدا جەژنی کولتوری تێکۆشان لە دژی ستەم و ئەو دووڕوانەی کە یاسا ناناسن، وێنا دەکات. بە بۆنەی ئەم جەژنەوە، لە دژی هێرشە قڕکارییەکان، تاڵان و کۆمەڵکوژی سەنتەرزی تورک-ئیسلام ئێمە داوا لەهەموو گەلانی خاوەن ویژدانی رۆژهەڵاتی ناوەڕاست بەتایبەتی وڵاتپارێزانی کورد، رۆشنبیران، عەرەب و تورک، نوسەران، هونەرمەندان و سیاسەتمەداران دەکەین کە لەپێناو یاشتی و یەکگرتوویی گەلان تێبکۆشن.

سەنتەزی تورک-ئیسلام دوژمنایەتی گەلان، ئایینەکان و ژنان دەکات

موسڵمانانی بەڕێزی کوردستان، تورکیا و رۆژهەڵاتی ناوەڕاست!

جەژنی قوربان ئەو رۆژەیە کە بەهۆیەوە قوربانیکردنی مرۆڤەکان قەدەغەکراوە. سەرباری ئەوەش لە سەر ناوی ئیسلام لە جوگرافیایەک کە کۆمەڵگاکانی موسڵمانان تیایدا دەژین هەموو رۆژێک دەیان کەس دەکوژرێن. منداڵدان رووبەڕووی ئەشکەنجە و دەستدرێژی دەکرێنەوە، ژنان دەکوژرێن، هەموو رۆژێک دەیان ژن دەکوژرێن. گەلانی مسوڵمان بە هۆ سیاسەتی دەوڵەت نەتەوە و حکومەتەکانی فاشیست رووبەڕووی کێشەی قورس دەبنەوە. ئەقڵیەت و سیاسەتی سەنتەزی تورک-ئیسلامی تەنیا لەپێناو حەزەکانیان بۆ دەسەڵاتدا هەموو رۆژێک رێگە لەبەردەم کوژرانی دەیان مرۆڤ دەکەنەوە و تاڵانکاری و وێرانکاری ژینگە، کێشەکانی هەرێمەکە زیاتر گەورە و قوڵدەکەنەوە.

سیاسەتی کۆلۆنیالیست و قڕکردنی ئەقڵیەتی ئیسلامی دەسەڵاتداری تورک، بۆ گەلی کورد کە یەک لە کۆنترین گەلانی رۆژهەڵاتی ناوەڕاستە، جگە لە کاولکاری، تاڵان، جینۆساید، ئەشکەنجە و گۆشەگیری و هەژاری هیچ واتایەکی دیکەی نەبووە. ئەقڵیەتی سەنتەزی تورک-ئیسلام دوژمنایەتی گەلان، ئایینەکان، ژنان و هەموو کۆمەڵگاکانە. وەک ئەوەی لە ئەنجامەکانی هەڵبژاردنی ٢٠٢٣دا دەرکەوت، ئیسلامی تورک بۆ دەسەڵات و بەرژەوەندی خۆی خودا، قورئان و سونەت بە بێ هیچ دوودڵیەک بە کاردەهێنێت. لەم رووەوە ئەو باوەڕماندانەی کە راستیەکان دەبین دەبێت بزانن کە تا باوەڕمەندان لە هێڵی محمەد لە دژی ئیسلامێتی نەتەوەپەرستدا شەڕ نەکەن، هیچ پەرستشێکیان ناگاتە واتا پیرۆزەکەی. لەبەر ئەو هۆکارانە دەمانەوێت رایبگەیەنین کە تێکۆشانی مسوڵمانانی تورک لە دژی سیاسەتەکانی ئاکەپە-مەهەپە هێندەی پەرستش خێرە. لەو بڕوایەداین کە ئەرکی یەکەمی مسوڵمانانی خاوەن ویژدانی تورکیا و کوردستان ئەوەیە کە نەبنە لایەنگری ئەو هەموو گوناهـ و تاوانەی بە ناوی ئیسلامەوە دەکرێن. بەم بۆنەوە داوا لە کورد و تورکە خاوەن ویژدانەکان و مسوڵمانانی گەلانی دیکە دەکەین کە بح دیموکراتیکبوونی تورکیا، رزگاری گەلانی رۆژهەڵاتی ناوەڕاست و کوردان و پێکهاتەکانی شۆڕشی رۆژهەڵاتی ناوەڕاست لە دژی فاشیزم و چەوساندنەوەی ئایینەکان تێبکۆشن. بەتایبەتی دەبێت کەس نەچنە ناو مزگەوتەکانی سەربە ئەوقاف و بەو هەڵوێستی حەزرەتی محەمەد کە 'هەموو شوێنێکی سەر زەوی مزگەوتە' بجوڵێنەوە. دەمانەوێت ئەوە بخەینەڕوو کە هەموو هەڵوێست و جموجۆڵەکان کە پشتیوانی لە رژێمی ئاکەپە-مەهەپە بکەن، لە دژی ئیسلامی محەمەدین. لەو بڕوایەداین کە تێکۆشان لە دژی سیاسەتەکانی فاشتیسی رژێمی ئاکەپە-مەهەپە هێندە پەرستش و خواپەرستی  و هێندەی قوربانی خێری هەیە و لە دەفتەری کردەوەکاندا بەو جۆرە دەنوسرێن.

لە دژی فاشیزمی تورک بانگەواز بۆ تێکۆشان دەکەین

گەلی موسڵمانی بەنرخ، لە هێرشی ئەمدواییەی سەر رۆژئاوا جارێکی دیکە ئاشکرا بوو کە رژێمی ئیسلامی دەسەڵاتداری تورک کە بە نەتەوە پەرستی بارگاوییە، قڕکەر و کۆمەڵکوژکارە. بناغە و پێکهاتەی دەوڵەتەکە سەنتەزی تورک- ئیسلام تاکە ئامانجی لە هێرشەکانی سەر رۆژئاوا لەناوبردنی دەستکەوتەکانی کوردانە. خۆبەڕێوەبەری کردووەتە ئامانج و هێرشی دەکاتە سەر ئیرادەی کوردی ئازاد. بە تایبەتی بە کردنە ئامانجی ژنان، پشووکورتی و خۆپێڕانەگیرانی بەرامبەر بە شۆڕشی رۆژئاوا بە پێشەنگایەتی ژنان، بەروپێش خراوە، نیشان دەدات.  ئەقڵیەتی دەسەڵاتداری پیاو-ئیسلامی دەوڵەتی تورک ژنان تەنیا وەک بونەوەرێکی سیبەر دادەنێت. ئەو ئەقڵیەتەی کە دەسەڵاتداری، نەتەوەپەرستی، دواکەوتوویی و دینداری دەسەپێنێت، هێرش دەکاتە سەر گۆڕەپانەکانی ژن و خەباتی ژنان و دەیەوێت ژنان پەلکێشی تاریکی بکات. لە دژی ئەو ئەقڵیەتە تاریکە لەپێشەوە ژنانی مسوڵمان، ئێمە داوا لە هەموو ژنانی باوەڕمەند دەکەین، بە بۆنەی ئەم جەژنەوە لە تێکۆشانی ئازادی و دیموکراسیدا لە دژی فاشیزمی تورک لە گۆڕەپانەکاندا تێبکۆشن. کوردستانیانی هێژا، وەک هەموو جەژنێک لەم جەژنەشدا داوا دەکەین کە سەردانی گۆڕستان و مەزارگەی شەهیدان بکەن و لە نزا خێرەکانتان بێبەشیان نەکەن. بەتایبەتی سەردانی هاوڕێ زیندانیەکانمان و پستیوانی بنەماڵەکانیان لەپێویستییەکانی کولتوری جەژنە. ئێمە بە گرنگیەوە رایدەگەیەنین کە خێر و هاوکارییەک کە ئێوە دەیکەن، بیدەن بەو کەس و رێخراوانەی کە ئەو هاوکاریانە دەگەیەنە ئەو کوردستانیانەی کە پێویستیان پێی هەیە و هەروەها ناوچە بومەلەرزە لێدراوەکان. دەمانەوێت بە بیری بهێنینەوە کە ئەو هاوکاری و خێرانەی بگەنە دەوڵەتی تورکی فاشیست و ئەو رێکخراوانەی پەیوەندی پێوەی هەیە لەلای حەق قەبوڵ ناکرێت.

وەک بزوتنەوەی ئازادیی کوردستان، بەو هەست و بیرکردنەوانەوە جەژنی قوربان لە موسڵمانانی کوردستان، گەلانی رۆژهەڵاتی ناوەڕاست و هەموو جیهانی موسڵمان پیرۆز دەکەیەنەوە. داوا لە گەلانمان دەکەین کە لە دژی دەوڵەتی تورکی کۆمەڵکوژکار و نکۆڵیکار زیاتر تێبکۆشن و لەپێناو ئەوەی ئەوەی هەموو جەژنەکانی داهاتوو بە گیانی یەکێتی دیموکراتیکی گەلان پیرۆز بکرێن، با بەشداری لە تێکۆشاندا بکەن. بە بۆنەی ئەم جەژنەوە لە کەسایەتی شەهیدانی شکۆمەندی زاپ، مەتینا و ئاڤاشین هەموو شەهیدانی تێکۆشانی ئازادیی کوردستان، بە خۆشەویستی، رێز و پێزانینەوە بە بیر دەهێنینەوە. وەفاداری خۆمان دووپات دەکەینەوە و بەڵێن دەدەین کە تێکۆشان بە سەرکەوتن تاجدار بکەین".

هـ . ب