كۆنگره‌ی گه‌ل له‌باره‌ی هێرشه داگیركارییه‌كان باسی له‌وه‌كردوه، له‌به‌رامبه‌ر خیانه‌تی په‌ده‌كه و داگیركاریی ده‌وڵه‌تی توركی داگیركه‌ر پێویسته تێكۆشان بكرێت. ده‌بێت كه‌س بێده‌نگ نه‌بێت، بێده‌نگی مردنه، بێده‌نگی به واتای هاوبه‌شییه له خیانه‌ت".
دیوانی هاوسه‌رۆكایه‌تی كۆنگره‌ی گه‌ل له به‌رامبه‌ر هێرشه داگیركارییه‌كانی توركیا راگه‌یه‌نراوێكی نووسراوی بڵاوكرده‌وه.
له راگه‌یه‌نراوه‌كه‌دا باسی ئه‌م بابه‌تانه كراوه: "دوای ئه‌وه‌ی مه‌سرور بارزانی به‌سه‌ردان چووه توركیا و له‌گه‌ڵ ئه‌ردۆغان دیداری ساز كرد، ده‌وڵه‌تی تورك هێرشی به‌رفراوانی بۆ سه‌ر هه‌رێمه‌كانی پاراستنی مه‌دیا ده‌ستپێكرد. ده‌وڵه‌تی تورك پاره‌كه‌ش له گاره، زاپ و ئاڤاشین گورزی قورسی به‌ركه‌وتبوو و ئاماده‌كاری بۆ ئه‌م هێرشه ده‌كرد. له‌و چوارچێوه‌دا دوای دیداری نێچیرڤان بارزانی و مه‌سرور بارزانی له‌گه‌ڵ ئه‌ردۆغان، لێدوانیان بۆ راگه‌یاندن دا و به روونی باس له‌وه‌كراوه كه له یداره‌كاندا بابه‌تی سه‌ره‌كی ئۆپراسیۆنه به‌رامبه‌ر به په‌كه‌كه.
ئه‌م هێرشه له هێرشه‌كانی پێشوو جیاوازتره. له‌م هێرشه‌دا هه‌لیكۆپته‌ر و هێرشی زه‌مینی له باره‌گاكانی ده‌وڵه‌تی توركه‌وه كراون و جموجۆڵی په‌ده‌كه‌ش زۆر زیاتر بووه. به‌پێی زانیارییه‌كان كه ئێمه له ناوچه‌كه‌وه وه‌رمانگرتوون، سه‌ربازانی تورك به جلوبه‌رگی پێشمه‌رگه ره‌وانه گۆڕه‌پانه‌كان به تایبه‌تی كوڕه‌ژارۆ كراون.
بۆ گه‌لی كوردستان و سیاسه‌ته‌كه‌ی، دۆخێكی زۆر گرنگ له‌به‌رده‌مماندایه، ئیتر ده‌بێت به دروستی پێناسه بكرێت. به‌و هێرشه ده‌ركه‌وت كه په‌ده‌كه خۆی به ده‌وڵه‌تی توركه‌وه به‌ستووه‌ته‌وه. پێشتریش له‌به‌ر ترس له رای گشتیی، له پشت په‌رده‌وه له‌گه‌ڵ ده‌وڵه‌تی تورك سیاسه‌تی خۆی به‌ڕێوه‌ده‌برد. به‌ڵام پشتگیرییه‌كی به‌م جۆره له‌به‌ر ئه‌وه‌ی به‌س نییه بۆ ده‌وڵه‌تی تورك بۆ ئه‌وه‌ی به‌سه‌ر گه‌ریلاكاندا سه‌ربكه‌وێت، له‌به‌ر ئه‌وه‌ی ئیتر له‌گه‌ڵ ده‌وڵه‌تی تورك ده‌جوڵێنه‌وه. له مێژووی مرۆڤایه‌تیدا ناوی ئه‌و په‌یوه‌ندییه خیانه‌ته.
كامه هێز و پارتی ئه‌گه‌ر له‌گه‌ڵ ده‌وڵه‌تی توركی فاشیست یه‌كبگرێت و به‌رامبه‌ر بزوتنه‌وه‌ی سیاسی كوردان شه‌ڕ بكات و خزمه‌ت به دوژمن بكات، ناوی ئه‌و كاره خیانه‌ته. له‌پێناو ئه‌وه‌ی ئه‌و خیانه‌ت پارچه بكرێت و دووربخرێته‌وه، رێكخراوه‌كانی كۆمه‌ڵی مه‌ده‌نی له پێشه‌وه، پێویسته هه‌موو گه‌له‌كه‌مان له‌م قۆناغه‌دا به‌شداربن. مێژووی هه‌ڵوێستی كه‌سه‌كان له‌م قۆناغه‌دا ده‌خاته ژێر پرسیار و لێپرسینه‌وه. ئێمه هیوادارین هه‌موو كه‌س به هه‌ڵوێستێكی شكۆمه‌ندانه پێشوازی له‌م قۆناغه بكات و بۆ مێژوو ببێته وه‌ڵامده‌ره‌وه.
په‌ده‌كه جاشایه‌تی بۆ ده‌وڵه‌تی تورك ده‌كات
ده‌وڵه‌تی تورك ٥٠ ساڵه ناتوانێت به‌رامبه‌ر رێبه‌ر ئاپۆ، په‌كه‌كه و گه‌ریلاكان شه‌ڕ بكات و بۆ ئه‌وه‌ی خۆی له قه‌یرانی قوڵ له به‌رامبه‌ر تێكۆشانی ئێمه رزگار بكات، په‌ده‌كه‌ی به موخاته‌ب و به‌رده‌نگ وه‌رگرتووه. په‌ده‌كه ده‌بێت له پێناو گه‌لی كورددا ئه‌م دۆخه‌ی كه ده‌وڵه‌تی تورك تێی كه‌وتووه به كار بهێنێت، به‌ڵام له بری ئه‌وه به‌رژه‌وه‌ندییه ئابوری و سیاسیه‌كانی خۆی به بنه‌ما ده‌گرێت. جاشایه‌تی و به‌كرێگیراوی بۆ ده‌وڵه‌تی تورك ده‌كات.
ئه‌و شه‌ڕه‌ی ده‌وڵه‌تی توركی فاشیست و داگیركه‌ر له به‌رامبه‌ر گه‌ریلا ده‌یكات، له‌پێناو له ناوبردنی هه‌موو به‌ها و ده‌ستكه‌وته نه‌ته‌وه‌یی و كۆمه‌ڵایه‌تییه‌كانی گه‌لی كورده. له‌به‌ر ئه‌وه‌ی لایه‌كی شه‌ڕه‌كه ده‌وڵه‌تی تورك و نۆكه‌ره‌كه‌ی واته په‌ده‌كه‌یه و لایه‌نی به‌رامبه‌ریش گه‌ریلاكانن كه نوێنه‌رایه‌تی به‌هاكانی ئازادی و ده‌ستكه‌وته‌كانی ده‌كه‌ن.
بێده‌نگی به واتای هاوبه‌شییه له خیانه‌ت
گه‌له‌كه‌مان، پارته سیاسیه‌كان، روناكبیران، رێكخراوه‌كانی كۆمه‌ڵی مه‌ده‌نی و هه‌موو دۆستانمان پێویسته له به‌رامبه‌ر خیانه‌تی په‌ده‌كه و داگیركاری ده‌وڵه‌تی توركی داگیرككه‌ر تێبكۆشن. پێویسته هیچ كه‌سێك بێده‌نگ نه‌بێت، بێده‌نگی مردنه، بێده‌نگی به واتای هاوبه‌شییه له خیانه‌ت.
به هه‌ڵوه‌شاندن و رووخاندنی فاشیزیمی ده‌وڵه‌تی تورك ئه‌و دیواره‌ی كه سیاسه‌تی خیانه‌ت پشتی پێبه‌ستووه هه‌ڵده‌وه‌شێته‌وه. ئه‌وه‌ش بۆ یه‌كێتی كۆمه‌ڵایه‌تی و نه‌ته‌وه‌یی، بۆ ئاینده‌ی ئازاد و دیموكراتیكیش ده‌بێته سه‌ره‌تایه‌كی نوێ. بۆ ئه‌وه‌ش ده‌بێت گه‌له‌كه‌مان له سه‌ر بنه‌مای شه‌ڕی گه‌لی شۆڕشگێڕ له هه‌ر شوێنێكن خۆیان بپارێزن و هه‌ر له‌سه‌ر ئه‌و بنه‌مایه له هه‌موو كایه‌كانی ژیاندا خۆیان رێكبخه‌ن.
ئێمه سڵاو له به‌رخودانی گه‌لی شه‌نگالیش ده‌كه‌ین
ئێمه به‌رخودانی گه‌لی شه‌نگال به‌رامبه‌ر به سوپای عێراقیش سڵاو ده‌كه‌ین. له‌م قۆناغه‌دا به‌رخودانێكی نمونه‌یی گه‌لیان خسته‌ڕوو. هیچ هێزێك ناتوانێك به‌رخودانی هه‌مه لایه‌نه‌ی گه‌لێك رابگرێت. هه‌موو گه‌له‌كه‌مان ده‌توانن ئه‌زمون له به‌رخودانی گه‌لی شه‌نگال وه‌ربگرن. ده‌وڵه‌تی تورك و په‌ده‌كه له رێگه‌ی سوپای عێراقه‌وه ده‌یانه‌وێت ده‌ستكه‌وته‌كانی گه‌لی شه‌نگال له‌ناو ببه‌ن. به‌رپرسانی دیواری شه‌رم له نێوان شه‌نگال و رۆژئاواشدا ئه‌وانن. ئه‌وان له به‌رامبه‌ر تێكۆشانی ره‌وا و مافدارانه‌ی گه‌لی شه‌نگال هه‌رگیز سه‌رناكه‌ون.
ئه‌مڕۆ جه‌ژنی چوارشه‌ممه‌ی سه‌ره‌تای نیسانی كۆمه‌ڵگای ئێزدییه، ئێمه له دڵه‌وه ئه‌و جه‌ژنه پیرۆز ده‌كه‌ین. ئێمه هیوادارین ئه‌و جه‌ژنه ببێته هۆكاری یه‌كێتی و یه‌كگرتنی كۆمه‌ڵگای ئێزدی. ئێمه ئه‌و هێرشه‌ی سوپای عێراق كه به‌ر له جه‌ژنه‌كه كردوویه‌تی به توندی شه‌رمه‌زار ده‌كه‌ین. له‌و بڕوایه‌داین كه گه‌لی شه‌نگال كه له به‌رامبه‌ر چه‌ته‌كانی داعش خۆڕاگرییان كردووه، له‌به‌رامبه‌ر هیچ گوشار و هێرشێكیش ملكه‌چ نابن".
هـ . ب
