ئەمڕۆ لە شاری کفری سەر بە ئیدارەی گەرمیان، مەراسیمی یەکەمین ساڵیادی شەهیدبوونی مێژوونوس و لێکۆڵەر و ئەندامی دەستەی بەڕێوەبەری تەڤگەری ئازادی سوهەیل خورشید بە ناسناوی "مامۆستا شەماڵ" بەڕێوەچوو.

لە درێژەی چالاکییەکاندا، لەسەر گۆرەکەی چاپی نوێترین کتێبی بە ناونیشانی "قەیسەری کفری" بڵاوکرایەوە، کە کۆتا بەرهەمی مامۆستا شەماڵە و پێش تیرۆرکردنی لەگەڵ حەمەسۆران غازی نوسیبووی بەڵام دوژمنان ڕێگەیان نەدا بە چاپی بگەیەنێت. کتێبەکە لە ١٢٥ لاپەڕە پێکدێت، باس لە مێژوو و جوگرافیا و ئەو کەسانە دەکات لەنێو دوکانەکانی قەیسەری کفری کاریان کردووە.

ئەمڕۆ، لە درێژەی چالاكییەكانی مەراسیمی یەكەمین ساڵیادی شەهید سوهەیل خورشید ناسراو بە مامۆستا شەماڵ، مێژوونووس و لێكۆڵەر و ئەندامی دەستەی بەڕێوەبەری تەڤگەری ئازادیی، لە سەر مەزارەكەی، چاپێكی نوێی كۆتا كتێبی بڵاوكرایەوە.

لە چالاکییەکەدا، چەندین وتە و پەخشان لەلایەن کەسایەتییەکان و هاوڕێکانی شەهیدەوە پێشکەشکرا، هەروەها شێوەکار ئەرشەد حەیدەر، تابلۆیەکی شەهید مامۆستا شەماڵی بەخشییە ماڵباتەکەی.

دواتر ئامادەبووان گوڵیان لەسەر گۆڕی شەهید دانا و مۆمیان داگیرساند.