ئەمڕۆ هەیینی لەژێر دروشمی “بە ڕۆحی بەرخۆدانی وەرخەلێ مۆری سەرکەوتن دەدەین لە ٤٤مین ساڵەی دامەزراندنی پەکەکە” ئاهەنگێکی جەماوەری فراوان لە بناری قەندیل لە کاتژمێر ٠١:٠٠ی دواینیوەڕۆی ئەمڕۆوە دەستیپێکردووە.

لە ئاهەنگەکەدا جەماوەرێکی زۆر لە ناوچە جیاجیاکانی باشوری کوردستانەوە ڕوویان کردووەتە گوندی بۆکریسکان لە بناری قەندیل.

توێژە جیاجیاکان بە بەرزکردنەوەی ئاڵای پەکەکە و ڕێبەر ئۆجالان جەخت لەسەر ئازادی ڕێبەر عەبدوڵا ئۆجالان دەکەنەوە و بە وتنەوەی دروشمی’بژی ڕێبەر ئاپۆ، ژن، ژیان، ئازادی، دامەزراندنی پەکەکە پیرۆز بێت’ ئاهەنگەکە درێژەی هەیە.

لە ئێستاشدا وتاری لایەنە بەشداربووەکانی ئاهەنگ، کۆمیتەی شەهیدانی پەکەکە لە باشور، شارەوانی بناری قەندیل، کەسایەتی و شیعری شۆڕشگێری دەخوێنرێتەوە و بڕیاریشە بە بەشداربوونی هونەرمەند بەرهەم شەمامی و چەند هونەرمەندێکی دیکە ئاهەنگی جەژنی ژیانەوە گەشاوەتر بکەن.

ف.ق