بومەلەرزەکەی ٦ی شوبات، کە ناوەندەکەی ناوچەی بازارجخی سەر بە مەرەش بوو، کاریگەریی لەسەر سەمسوور، مەلەتی، ئامەد،  ڕحا، دیلۆک، خارپێت، هاتای، ئەدەنە، کیلیس و عوسمانییە هەبوو. بە وتەی بەرپرسانی مەلەتی تا ئێستا هەزار و ٣٨٦ کەس لە مەلەتی گیانیان لە دەستداوە و ٦ هەزار و ٤٤٤ کەسیش برینداربوون. ئەوەشیان ڕاگەیاندووە، هەزار و ١٥٤ بینا لەو شارەدا ڕووخاون و ٧ هەزار و ١٢٩ بینای دیکەش دەستنیشانکراون، کە زیانیان پێگەیشتووە.

بەپێی ئامارە فەرمییەکان ژمارەی گیان لە دەستدان لە بومەلەرزەکەدا بەرزبووەتەوە و تا ئێستا بە گشتی گەیشتوەتە ٣٥ هەزار و ٤١٨ کەس و ژمارەی بریندارەکانیش گەیشتوەتە ١٠٥ هەزار و ٥٠٥ کەس. لە ڕۆژئاوا و سوریاشدا گیان لەدەستدان گەیشتووەتە ٥ ەزار و ٨٠٠ کەس و بریندارەکانیش ٤١ هەزار کەسی تێپەڕاندووە.

ژ.ت