لە شەنگال ئەمساڵ پلەی گەرما چەندین جار ٤٥ پلەی تێپەڕاند، ئەمڕۆ یەکێک بوو لەو ڕۆژە گەرمانە. بەهۆی گەرمای زۆرەوە لە ڕۆژئاوای چیای شەنگال کە وەک قەندیلی شێخمەند و گوندەکانی درێجێ دەناسرێت، لە کاتژمێرەکانی سەرلەبەیانییەوە ئاگر کەوتەوە. زانراوە، ئاگرەکە هێشتا کۆنتڕۆڵ نەکراوە.  

ئیدارەی خۆبەڕێوەبەری و ئاسایشی ئێزیدخان بۆ کۆنتڕۆڵکردنی ئاگرەکە دەستوەردانیان کرد.

ئیدارەی خۆبەڕێوەبەری شەنگال داوای لە خەڵکی شەنگال کرد دەستبەجێ بگەنە شوێنی ڕووداوەکە و هاوکاربن لە کوژاندنەوەی ئاگرەکە.