ناوەندی ڕاگەیاندن و چاپەمەنی هەپەگە لەبارەی چالاکی گەریلاکان و هێرشی سوپای داگیرکەری تورک ڕاگەیەنراوێکی بڵاوکردەوە.

ڕاگەیەنراوی هەپەگە وەهایە:

"هێزەکانمان لە چوارچێوەی هەنگاوی شۆرشگێری جەنگی حەفتانیندا، ٢٢ی تشرینی یەکەم کاتژمێر ١٥:٠٠ لەدژی سەربازانی تورک کە لە گردی دووپشکی هەرێمی حەفتانین جێگیر ببوون ٢ چالاکیان ئەنجامدا. بە چالاکیەکی قەناسبەدەستەکانمان سەربازێک کوژرا و دواتر لەدژی سەربازانی تر کە هەوڵیاندا تەرمەکە ببەنەوە چالاکیەکی تر ئەنجامدرا و داگیرکەرێکی تر سزادرا. لە چالاکیەکاندا بە گشتی ٢ سەربازی تورک سزادران.

هێرشی داگیرکەری

٢١ی تشرینی یەکەم کاتژمێر لەنێوان ٢٠:٠٠ و ٢٢:٠٠ هێزەکانی دەوڵەتی ئێران ناوچەی شەهید جەسوور و گەلی مارمشۆی ناوچەی گەڤەڕی جۆلەمێرگیان بە ئۆبۆس و هاوەن تۆپباران کرد.

هێرشە ئاسسمانیەکانی دەوڵەتی داگیرکەری تورک لە هەرێمەکانی پاراستنی میدیا بێوەستان بەردەوامە و لەم چوارچێوەیەدا:

١٩ی تەموز کاتژمێر لەنێوان ٢٢:٠٠ و ٢٣:٠٠دا فڕۆکە جەنگیەکان هێڵی بۆسەلێی سەر بە کەرێی هەرێمی حەفتانینیان بۆردومان کرد.

١٩ی تشرینی یەکەم کاتژمێر ٢٣:٣٠ دەوروبەری کانی سکۆرسکی سەر بە دەڤەری شەهید ڕۆستەمی هەرێمی زاپ بۆردومان کرا. هاوکات هەرێمەکە بە ئۆبۆس تۆپباران کرا.

٢١ی تشرینی یەکەم کاتژمێر ١٤:٤٠ دەوروبەری گوندی چەمرۆبۆتکی هەرێمی گارە لەلایەن فڕۆکە چاودێریەکانەوە بۆردومان کرا.

دەورەبەری گردی ئامێدی سەر بە ناوچەی ئامێدی دهۆکیش لە ٢١ی تشرینی یەکەمدا کاتژمێر ٢١:٠٠ و ٠٠:٠٠ دا و هەروەها ٢٢ی تشرینی یەکەم کاتژمێر ٠٦:٠٠ لەلایەن فڕۆکەکانەوە بۆردومان کرا. لە ئەنجامدا ئاگر بەر دارستانەکانی هەرێمەکە کەوت و بووە هۆی زیانێکی زۆر بۆ باخ و ڕەزی هاوڵاتیانی مەدەنی هەرێمەکە.

شەوی ٢١ – ٢٢ی تشرینی یەکەم دەڤەری کۆزین، شەهید هارون و کالاتوکای هەرێمی قەندیل و دەڤەری شەهید مونزور و گردی شێخ ناسر بۆردومان کران. لە هەمانکاتدا فڕۆکە جەنگیەکان گوندی ماونانی سەر بە بابلایان و گوندی بۆلێی قەندیلیان بۆردومان کرد.

٢٢ی تشرینی یەکەم کاتژمێر ٠٠:٣٠ فڕۆکە جەنگیەکان دەڤەری وەرخەلێی هەرێمی ئاڤاشینیان بۆردومان کرد.

٢٢ی تشرینی یەکەم کاتژمیر ١٢:٣٠ فڕۆکە جەنگیەکان دەڤەری کونشکای هەرێمی زاپیان بۆردومان کرد.

لە ئەنجامی بۆردومانەکاندا هیچ زیانێک بەر هەڤالانمان نەکەوتووە.

ف.ق