دانا جەلال، یەکێک لە سەرپەرشتیارانی پڕۆژەکە بەڕۆژنیوزی ڕاگەیاند: لە چوارچێوەی پڕۆژەیەکی هاوبەشی ڕێکخراوی سیدیئۆ و ڕێکخراوی پاسەوان، کە لەلایەن ئاژانسی ژنانی نەتەوە یەکگرتووەکانەوە هاوکاری دەکرێت تایبەت بە بڕیاری ١٣٢٥ و بەشداری ژنان لە ناوچە جێناکۆکەکان لە ناوەندەکانی بڕیار ئەنجامدرا. 

ئاماژەی بەوەسکرد: ئەم سیمینارە یەکێکە لەو چالاکیانەی لە چوارچێوەی پڕۆژەکەدا ئەنجامدەدرێت، لەماوەی چەند مانگی ڕابردوودا دەستمان پێکردووە و چالاکیەکانمان پێکهاتووە لە ڕاهێنانی ڕێکخراوەکان و دروستکردنی هەشت گروپی خۆبەخش لە کەرکوک و دوبز و داقوق.

باسی لەوەشکرد، لەدوای ئەم پڕۆسەیەوە سێ پەیام لەسەر بڕیاری ١٣٢٥ لەسەر دۆخی ژنان لە ناوچە جێناکۆکەکان و لە عێراق بە گشتی ئامادە دەکەین و داخوازی ژنانی ئەم ناوچانە و داخوازی ڕێکخراوەکانی کۆمەڵی مەدەنی لە کەرکوک و دوبز و داقوق و ئاڕاستەی پەرلەمان و حکومەتی عێراق و پارێزگاری کەرکوک دەکرێت.

ف.ق