لە شاری لیدزی شانشینی بەریتانیا،  کۆمیتەی شارەکە سەر بە کۆمیتەکانی باشوری کوردستانی کۆنگرەی کۆمەڵگەی دیموکراتی کورد لە ئەوروپا (کەجەدەکە- ئە) بە هاوکاری لەگەڵ ئەنجومەنی کوردانی "یۆرک شێر" بە بۆنەی جەژنەکانی ٨ی مارس ڕۆژی جیهانی ژنان و نەورۆزەوە کۆبوونەوە و ئاهەنگێکی جەماوەری ڕێکخست‌.
لە ئاهەنگەکەدا کە  بەردوشی "کاتی ئازادی ڕێبەر ئاپۆ و پێکهێنانی یەکێتیی نەتەوەییە" ساز کرا بە شێوازێکی هونەری، کلتوری و فەرهەنگی و ئامادەکردنی هەموو جۆرە خواردنێکی کوردەواری و بەپۆشینی جلوبەرگی کوردی ڕازێنرایەوە و تێیدا،  چەندین چالاکی هونەر و کلتوری و ڕەشبەڵەکی کوردەواری لەخۆگرتبوو و ژمارەیەک لە بەشداران وتەیان پێشکەش کرد، لەوانەش: تارا حسێن، جێگری هاوسەرۆکانی تەڤگەری ئازادی کۆمەڵگە کوردستان (بە سینەفزیۆن)، بەپرسی "کۆمینی ژنان" لە وڵاتی بەریتانیا، میهری رۆژهەڵاتی.

لە وتەکەیدا، تارا حسێن، سەرەتا پیرۆزبای نەورۆز و ٨ی مارسی لە گەلی کوردستان و دایکانی شەهیدان و رێبەر ئاپۆ پیرۆز کرد. هەروەها ئاماژەی بە دۆخی ئێستای سیتەمی سەرمایەداری کرد، کەچ مەترسیەکی هەیە بۆ سەر باشوری کوردستان و ئێراق و بەتایبەتی سەرنجی ڕاکێشایە سەر دۆخی ئێستای ئۆکراین و ڕوسیا و وت: هیچ سودلکی بۆ هیچ گەل و پێکاهاتەیەک و ووڵاتێک نییە، تەنها هەژمونی دەوڵەتە زلهێزەکانی جیهانە بۆ تێکدانی شیرازەی گەلان. تاراحسێن، ئاماژەی بەوەکرد: دۆخی باشوری کوردستان خراپە. رێژەی بێکاری و برسیەتی و نەوون ئازادی ڕادەربرین ،لە هەڵکشاندان و کوشتنی ژنان رۆژانە بەردەوامە و پەرەدەستێنێت. کۆمەڵێک  کەسی موشە خۆری سەر بە دەسەڵاتی پەدەکە و یەنەکە ڕەوشیان باشە و هەموو کارێکی قێزوەن بۆ پاراستنف دەسەڵاتی ئەو دوو پارتە دەکەن.
تارا حسێن، ڕایگەیاند: دۆخی ئێراقیش بەگشتی لە قەیراندایە. دروستکردنی کێشە لە نێوان سونە و شیعەو نەتەوە و پێکهاتەکانی تری ئێراقدا رۆژ بەرۆژ زیاتر دەبێت. ئەو دۆخەش لە بەرژەوەندی دەوڵەتی تورکدایە. ئێراق ووڵاتی فرە نەتەوە و پێکهاتە ئاینی و ئەتنیکی و کلتورە جیاوازەکانە، بۆیە پێویستی بە سیستەمێکی مۆدێرنی دیموکراتیک هەیە وەک" سیستەمی کۆنفدرالیزمی دیموکراتیک"کە ئێمە وەک تەڤگەری ئازادی باوەڕمان پێیەتی کاری بۆ دەکەین و بە چارەسەری کێشەکانی دەزانین.
هەروەها "کەمال"حەمە"علی بەنوێێنەرایەتی کۆمیتەی لیدز وتەێ پکەش کرد و تێدا، تیشکی خستەسەر نەورۆزی ئاشتی و ئازادی بۆ رێبەر ئاپۆ و وتی: نەورۆز و ٨ی مارس لەمرۆژەدا بۆ گەلی کورد نرخ و بەهاو تایبەتمەندی خۆیان هەیە. نەورۆزی ئەم ساڵ بەروحی "ڤیان جاف و ئارین و ساکینەکان، پیرۆز دەکەین و دەرواەکانی ئیمراڵی تێکدەشکێنین و رێبەر ئاپۆ ئازاد دەکەین و یەکێتیی نەتەوەیی کوردان پێکدەهێنین.
دواتر " بەرپرسی کۆمینی ژنان لە بەریتانیا، میهری رۆژهەڵاتی لەسەر دۆخی زیندانیانی ژن بەتایبەتی لە ئێران و رۆژ هەڵاتی کوردستان قەی کرد و وتی: ئەو بارودۆخە رۆژ بەرۆژ  ترسناکتر دەبێت هیچ ئومێدێک بۆ کۆتاییهاتنی  نابینرێت و ڕژێمی کۆماری ئیسلامی ئیران پێداگرە لەسەری. لەلایەن ڕژێمەوە ژنان دەچەوسێنێنرێنەوە،کاسبکار و کۆڵبەرەکان ئەکوژرێن، سیاسیییەکان و چالاکوان راستەوخۆ ڕەوانەی زیندان دەکرێن، مافی ژن و منداڵ بەتایبەتی و بەگشتی مافی "مرۆڤ" لە ئیران بوونی نییە، بە کورتی رژێمێکی دکتاتۆر و  بێبەزەیی لەسەر کارە و پێویستی بەخەباتی گشتگیر و پێکەوەیی هەیە بۆ ڕووبەڕووبوونەوەی.

هەروەها "هاوسەرۆکی کەجەدەکە- ئە لە وڵاتی بەریتانیا، میراس سەرهەد، بەشداری ئاهەنگەکە بوو و ٨ی مارس و جەژنی نەورۆزی لە ئامادەبووان و دایکانی شەهیدان و رێبەرئاپۆ پیرۆز کرد و داوای لە ڕەوەندی کوردی کرد، بە رڕوحی مەزلوم دۆغان و زیلانەکان،  گوڕ بە تێکۆشان بدەن و کار بۆ  یەکێتیی گەلی کورد و ئازادی رێبەر ئاپۆ بکەن.

ئاهەنگەکە بە گۆڤەند و دیلان و ڕەشبەڵەک و خوانی  کوردەواری تا درەنگانی شەو بەردەوام بوو.

هـ.هـ