لە راگەیەندراوی ناوەندی راگەیاندن و چاپەمەنی هەپەگەدا هاتووە: "تیمە گەڕۆکەکانمان لە مەتینا و خواکورک لە داگیرکەرانیاندا. سوپای تورکی داگیرکەر بێ پسانەوە بەردەوامە لە هێرشەکانی بۆ سەر هەرێمەکانی پاراستنی مێدیا".

هەپەگە لەبارەی چالاکییەکانی گەریلا و هێرشەکانی سوپای تورکی داگیرکەر زانیاری بەرفراوانی بڵاوکردەوە، راگەیەندراوەکە بەم جۆرەیە:

"لە هەرێمی مەتینا:

داگیرکەران لە گۆڕەپانی بەرخودانی شاخی هەکاری لە شەوی ١٧ی حوزەیراندا کرانە ئامانجی چالاکی سابۆتاژی هێزەکانمان. ژمارەی ئەو داگیرکەرانەی سزادراون و برینداربوون رووننەبووەتەوە. دوای چالاکییەکە هەلیکۆپتەر بەسەر گۆڕەپانەکەدا سوڕانەوە.

لە هەرێمی خواکورک:

١٨ی حوزەیران کاتژمێر ١٢:٣٠ بە چەکی قورس لە داگیرکەران لە شاخی شەهید شاهان درا.

هێرشەکانی سوپای تورکی داگیرکەر:

١٦ و ١٧ی حوزەیران گۆڕەپانی سەری مەتینای هەرێمی مەتینا ٢ جار، گۆڕەپانی شاخی جودی و شاخی بەهاری هەرێمی شەهید دەلیلی رۆژئاوای زاپ ٣ جار، گۆڕەپانەکانی سنین و ئاوی لۆلانی خواکورک ٣ جار و بە گشتی ٨ جار بە فڕۆکەی شەڕ بۆردومان کران.

١٧ی حوزەیرانگۆڕەپانی بەرخودانی شاخی هەکاری لە متینا ١١ جار بە هەلیکۆپتەری هێرشبەر بۆردومان کرا.

١٧ و ١٨ی حوزەیران گۆڕەپانی بەرخودانی سیدا لە زاپ، گۆڕەپانەکانی بەرخودانی شاخی جودی، شاخی ئامێدی و شاخی بەهار لە هەرێمی شەهید دەلیلی زاپ، گۆڕەپانی بەرخودانی شاخی هەکاری و گۆلکا لە مەتینا ١٩٦ جار بە کاتیوشا، تانک و چەکی قور بۆردومان کران.

سوپای تورکی داگیرکەر لە ١٦ و ١٧ی حوزەیران لە گۆڕەپانی بەرخودانی شاخی ئێف- ئێم لە هەرێمی شەهید دەلیلی رۆژئاوای زاپ بە حەفارە هەوڵیدا سەنگەرەکانی بەرخودانمان بڕوخێنێت".

هـ . ب