دوێنێ ئێوارە لە کالەجیک سیتی وان پاسەوانێکی زیندان بە ناوی مەحمود چوکسون چووە لای منداڵێکی ١٦ ساڵ بە ناوی محەمەد دەمیر کایائاڵپ کە لەگەڵ هاوڕییەکی یاری دەکرد و هەڕەشەی لێکرد و وتی، "ئێوە ناتوانن لێرە یاری بکەن و بێزارمان بکەن". منداڵەکە کە بە تەنها وتویەتی من یاری دەکەم روبەروی لێدان بوەتەوە لەلایەن مەحمود چوکسونەوە.

پاسەوانەکە دواتر گولەیەکی دەرهێنا و پیشانی منداڵەکەیدا و وتی، "گیانت بەم گولەیەوە بەستراوەتەوە، عاقڵ بە" و لێیدا.

کاتێک هاوڵاتیان لێیان کۆبونەوە، مەحمود چوکسون تەقەی لە منداڵەکە کرد و گولەیەک بەر قاچی کەوت.

ئوکتای کایائاڵپ کە باوکی منداڵەکەیە سکاڵای لەدژی پاسەوانەکەی دەوڵەت تۆمار کرد.

ف.ق