له رحا ئێشكگریی دادپه‌روه‌ری به شێوه‌ی جه‌ماوه‌ری به‌ڕێوه‌چوو
له ساڵیادی كۆمه‌ڵكوژی ئه‌ندامانی خێزانی شه‌نیاشار، ئێشكگریی دادپه‌روه‌ری بنه‌ماڵه‌ی شه‌نیاشار ئه‌مڕۆ به شێوه‌یه‌كی جه‌ماوه‌ری به‌ڕێوه‌چوو.
له ١٤ی حوزه‌یرانی ٢٠١٨ كه‌سوكار و پاسه‌وانه‌كانی په‌رله‌مانتاری ئاكه‌په‌ی رحا ئیبراهیم خه‌لیل یه‌ڵدز هێرشیان كرده سه‌ر دوكانی بنه‌ماڵه‌ی شه‌نیاشار و ٣ ئه‌ندامی خێزانه‌كه‌یان كوشتبوو. ئه‌مینه شه‌نیاشار كه هاوژینه‌كه‌ی به ناوی حاجی ئه‌سوه‌د و كوڕه‌كانی جه‌لال و عادڵ شه‌نیاشار كوژرابوون، له ٩ی ئاداری ٢٠٢١ له‌به‌ر دادگای رحا ده‌ستی به ئێشكگریی دادپه‌روه‌ری كربوو. ئێشكگری له رۆژی ٤٦٣ هه‌مین به‌رده‌وامه و له‌به‌ر ساڵیادی كۆمه‌ڵكوژییه‌كه ئێشكگریی ئه‌مرۆ ببه شێوه‌یه‌كی جه‌ماوه‌ری به‌ڕێوه‌چوو.
دوای یادكردنه‌وه له گۆڕستانی ناوچه‌ی پرسوس بنه‌ماڵه و هاوسه‌رۆكانی كه‌جه‌ده و ده‌به‌په به‌دران ئۆزتورك و سالیحه ئایده‌نیزیش له نێویاندا نوێنه‌رانی ده‌یان پارتی سیاسی، رێكخراوی مه‌ده‌نی و یاسایی، سه‌ندیكای ره‌نج و پارێزه‌ر پشتگیرییان له بنه‌ماڵه‌ی شه‌نیاشار كرد. له ئێشكگرییه‌كه‌دا پلاكاردی "ئێمه دادپه‌روه‌ریمان ده‌وێت" به‌رزكرایه‌وه و به‌شداربووان دروشمه‌كانی "ئاكه‌په له‌لایه‌ن گه‌له‌وه لێپێچینه‌وه‌ی له‌گه‌ڵ ده‌كرێت" و "ماف یاسا دادپه‌روه‌ری" وترانه‌وه.
‘دۆسیه‌ی كۆمه‌ڵكوژیه‌كه‌یان شارده‌وه‘
له ئێشكگریدا سه‌ره‌تا وته‌بێژی كاتی پلاتفۆرمی ره‌نج و دیموكراسی رحا گۆكهان دایك قسه‌ی كرد و وتی، كه به هۆی به‌رده‌وامی سیاسه‌تی قوتاربوون له سزا ٤ ساڵه بنه‌ماڵه‌ی شه‌نیاشار دادپه‌روه‌رییان له‌باره‌وه جێبه‌جێ ناكرێت. دواتر پارێزه‌ری بنه‌ماڵه‌كه سه‌رحه‌د كوریش قسه‌ی كرد و وتی، كه دۆسیه‌ی كۆمه‌ڵكوژی بنه‌ماڵه‌ی شه‌نیاشار له‌وان ده‌شاردرێته‌وه.
'ده‌سه‌ڵات په‌رله‌مانتاری خۆی ده‌پارێزێت'
دوای كور فه‌رید شه‌نیاشار قسه‌ی كرد و باسی له‌وه‌كرد كه ٤ ساڵه له دۆسیه‌ی ئه‌وان بڕیاری نهێنی و شاراوه ئه‌مه‌ی وت، "ملیۆنان كه‌س خاوه‌ندارییان له دۆسیه‌كه‌یان كردووه. ده‌سه‌ڵات په‌رله‌مانتاری خۆی ده‌پارێزێت. له نه‌خۆشخانه تاوان له دژی مرۆڤایه‌تی مرۆڤایه‌تی ئه‌نجامدرا. راستیه‌ك هه‌یه و ئه‌وه‌ش كه‌وتووه‌ته‌به‌رچاو. به‌ڵام سته‌م به‌رده‌وامه. دادوه‌ر خۆمان لێده‌دزێته‌وه. ئێمه له‌سه‌ر حه‌قین و ئێمه سه‌رده‌كه‌وین. ده‌واكارییه‌كانمان یاسایین. له كۆتاییدا دادپه‌روه‌ری و یاسا سه‌رده‌كه‌وێت".
'لێپرسینه‌وه‌تان له‌گه‌ڵ ده‌كرێت و باجه‌كه‌ی ده‌ده‌ن"
دواتر هاوسه‌رۆكی كه‌جه‌ده به‌ردان ئۆزتورك قسه‌ی كرد و وتی، بكوژه‌كان دیارن و باجه‌كه‌ی ده‌ده‌ن و لێپرسینه‌وه‌یان له‌گه‌لچ ده‌كرێت. به‌ڕێوه‌به‌ری ناوه‌ندی گشتیی ئۆهه‌ده مه‌لیسجان گونه‌شیش باسی له‌وه‌كرد، كه له هه‌موو شوێنێك نادادپه‌روه‌ری هه‌یه و وتی، كه بۆ كۆتاییهێنان به سته‌م له دژی بنه‌ماڵه‌ی شه‌نیاشار له رحان.
له درێژه‌دا گه‌لێك نوێنه‌ری رێكخراوه‌كان قسه‌یان كرد و بۆ بنه‌ماڵه‌ی شه‌نیاشار داوای دادپه‌روه‌رییان كرد.
هـ . ب
