"نەورۆزی ٢٠٢٢ دەکەینە رۆژێک کە خاکمان لەژێر داگیرکەری رزگار ببێت، گۆشەگیری و هەموو فشاری سەر عەبدوڵلا ئۆجالان ڕێبەری گەلی کورد و زیندانیانی شۆڕشگێر هەڵبگیرێت، یەکێتی نەتەوەیی و ئازادی نەتەوەیی مسۆگەر بکرێت."
ڕێکخستنی کوردستانی پارتی مارکسیست لێنینیست کۆمۆنیست (مەلەکەپە) لە راگەیەنراوێکدا نەورۆز پیرۆز کرد.
راگەیەنراوەکە بەم شێوەیەیە:
" ئاگری کاوەی ئاسنگار کە لەدژی زوحاکی زاڵمی هەڵکردووە، رێگەی ئازادی پیشانداوە. ئاگری نەورۆز کە کاوە لە لە کوردستان و رۆژهەڵاتی ناوەراست هەڵیکردووە، بووەتە نیشانەی راپەڕین و تێکۆشان گەلان لەدژی دیکتاتۆری و کۆیلایەتی. ئەم تێکۆشانە کە چەندین ساڵە بە فیداکاری بەڕێوە دەبرێت و ئاگری نەورۆز کە هەڵدەکرێت لە رۆژئاوا لە شۆڕشی گەلانی دیموکراتیکدا گەیشتووەتە ئاستی سەرکەوتن.
ئەمرۆ زوحاکە فاشیستە داگیرکەرەکان لە کوردستانمان بەردەوامی بە زوڵم دەدەن. ئەوانەی کە بۆ ئازادی شەڕ دەکەن، شەهید دەکەن. تەسلیمیەت بەسەر ئەوانەدا دەسەپێنن کە دەیانەوێت ئازاد بژین. لە بارەگا، ناوەندەکانی پۆلیس و زیندانەکانی داگیرکەران ئەشکەنجە دەدرێن. لە بەرانبەر ئەم زوڵمە، کاوەکانی سەردەم بەرخۆدان دەکەن، تێکۆشان دەکەن، شەڕ دەکەن. ئازادی خۆیان، شکۆیان و خاکەکەیان لە بەرانبەر دوژمن بە فیداکاری دەپارێزن. ئەمڕۆ ئەوان هەڵگری ئاگری گیانی نەورۆزی ئازادیخواز و بەرخۆدێرن.
ئێمە ئاگری نەورۆزی ٢٠٢٢ لەدژی داگیرکەری و ئیمپەریالیست هەڵدەکەین. نەورۆزی ٢٠٢٢ سەرەتا لە باکور، باشور، ڕۆژهەڵات و ڕۆژئاوای کوردستان و لە هەموو جێگەیەک کە گەلی کوردی لێدەژی، دەکەینە رۆژێک کە تێکۆشانی دژی داگیرکەری، هاوکارانی دوژمن، زوڵمی زیندانەکان و گۆشەگیری، ببێتە ڕاپەرین.
ئاگری نەورۆز کە کاوەی ئاسنگەری هەلیکردووە لە تێکۆشانی بەرانبەر شەڕی ئیمپەریالیست لە ئوکرایینا، کاپیتالیزم و جیهانگیری ئەمپەریالیست گەش دەکەین. لەبەرانبەر شەڕی دواکەوتوو و سیستمی پیاوسالاری ئێمە لە گۆڕەپانەکان یەکدەگرین. بۆ ژیانێکی ئازاد و شکۆمەندانە، شۆڕش کە تاکە رێگەی گەلانە، ئەنجام دەدەین.
ئێمە نەورۆزی ٢٠٢٢ دەکەینە رۆژێک کە خاکمان لەژێر داگیرکەریدا رزگار ببێت، گۆشەگیری و هەموو فشارێکی سەر عەبدوڵلا ئۆجالان ڕێبەری گەلی کورد و هەموو زیندانیانی شۆڕشگێر هەڵبگیرێت، یەکێتی نەتەوەی و ئازادی نەتەوەیی فراوان بکرێت. لە هەموو جێگەیەک ئاگری راپەرین بۆ کوردستانی یەکگرتوو و ئازاد زیاتر بەهێز دەکەین.
ئێمە نەورۆزی ٢٠٢٢ بە لەگەڵ گەلانی ڕۆژهەڵاتی ناوەڕاستی ژێردەستە پیرۆز دەکەین. یەکێتی گەلان بەهێزتر و فراوانتر دەکەین."
ف.ق
