مەسەدە سەبارەت بە حکومەتی نوێ سووریا کاردانەوەی نیشاندا
مەسەدە ڕایگەیاند؛ حکومەتی نوێی سووریا یەکلایەنەیە و وتی: "چارەسەری ڕاستەقینە تەنها بە مۆدێلێکی بەرێوەبەری دەکرێت کە نوێنەرایەتی یەکسانی هەموو پێکهاتەکان بکات.
ئەنجوومەنی سووریای دیموکراتیک لە بەیاننامەیەکدا بەرامبەر بە ڕاگەیاندنی کابینەی نوێی حکومەتی دیمەشق کاردانەوەی نیشاندا.
لە بەیاننامەکەدا ئاماژە بەوە کراوە کە فرەچەشنی سیاسی و کۆمەڵایەتی لە حکومەتی نوێی سووریادا بوونی نییە و سەرەڕای دانانی هەندێک کەسی تەکنۆکرات، تاکلایەنە بوون بەسەر حکومەتدا زاڵە.
مەسەدە لە بەردەوامی بەیاننامەکەیدا ڕایگەیاندووە؛ سەرەڕای ئەوەی ژنان بەشێکی گەورەی کۆمەڵگا پێک دێنن، بەڵام بەشدار بوونیان لە حکومەتدا لەبەر چاو نەگیراوە.
مەسەدە بە ئاماژەدان بە هەژموونی ئایدۆلۆژیایەکی دیاریکراو بەسەر حکومەتی تاکلایەنەی سووریا، جەختی لەوە کردەوە کە حکومەتێکی ڕاستەقینە دەبێت پشت بە هاوکاری هەموو هێزە نیشتمانییەکان ببەستێت.
مەسەدە لە بەشێکی دیکەی بەیاننامەکەی ڕاگەیاند کە پڕۆسەی دەستبەکاربوون کە بە کۆمیتەی وتووێژی نیشتمانی هاتووتە سەرکار، ئاماژەیە بە نەبوونی قۆناغێکی شیاو لە گواستنەوەی دەسەڵات لە سووریا دەکات و داوا لە هەموو هێزە نیشتمانییەکانی سووریا کراوە کە بۆ دروستکردنی ڕێڕەوێکی سیاسی نوێ لەسەر بنەمای دیموکراتیک و یەکسانی پێکهاتەکان کار بکەن.
لە کۆتایی بەیاننامەکەدا ڕاگەیەندرا کە سووریا لەبری قووڵتر کردنەوەی قەیرانەکان و ئازارەکانی گەلانی سووریا، پێویستی بە چارەسەرێکی نوێ هەیە لەسەر بنەمای دیالۆگ و یەکگرتوویی.
