هەپەگە ناسنامەی گەریلایەکی ئاشکرا کرد کە لە ١٢ی تەمووز لە بەستا شەهید ببوو، لەو بارەوە رایگەیاند، "هاوڕێمان رزگار جەنگاوەری پێشەنگی پارتیمان، بە ئیرادەیەکی گەورە، بە پێداگری و وشیارییەکی شایستەی شەهیدان، تێکۆشا".
راگەیەندراوەکەی ناوەندی راگەیاندن و چاپەمەنی هەپەگە بەم جۆرەیە:
"هاوڕێی بەنرخمان رزگار ئیدەخی لە ١٢ی تەمووزی ٢٠٢٣ لە هەرێمی بەستای بۆتان لە ئەنجامی هێرشی دوژمندا شەهید بوو. هاوڕێمان رزگار رۆڵەی ئازای زاگرۆسەکان و جەنگاوەی پێشەنگی پارتەکەمان، بە ئیرادە، بڕیارداری و وشیاری شایستەی شەهیدان تێکۆشا. بە پراتیکی سەرکەوتوانە و هاوڕێیەتی راستگۆیانە، لە بۆتان گەریلایەتی کرد، بەشداری لە زۆر چالاکیدا کرد و گورزی قورسی لە دوژمن وەشاند و لە بەرامبەر دوژمنی داگیرکەر رۆڵی خۆی جێبەجێ کرد. هاوڕێمان رزگار کە دەیویست ببێتە شوێنکەوتووی شەهید عادل بیلکی کە یەک لە فەرماندە پێشەنگەکانی بۆتان بوو و خاونداری لە میراتی بەرخودانی ئەو بکات، بە بەشداربوون و هەڵوێستی خۆی بووە هاوڕێی عادل، گەلهات، نودا و گوڵبەهار.
سەرەخۆشی لە بنەماڵەی بەڕێزی هاورێمان رزگار و گەلی وڵاتپارێزی کوردستان دەکەین. بەڵێنمان دووپات دەکەینەوە کە لە کەسایەتی هاوڕێمان رزگاردا یادی هەموو شەهیدانی شۆڕش لە تێکۆشانمان بە زیندوویی رابگرین.
ناسنامەی هەڤاڵمان رزگار ئیدەخی بەم جۆرەیە:
ناسناو: رزگار ئیدەخی
ناو و پاشناو: سینان ئارار
شوێنی لەدایکبوون: جۆلەمێرگ
ناوی دایک- باوک: مریەم- رەمەزان
کات و شوێنی شەهیدبوون: ١٢ی تەمووزی ٢٠٢٣/ بەستا
هـ . ب
